مصر موتورز مجتمع السيارات

السلام عليكم.....
سافرت بالوجان للساحل حمولة 4 اشخاص وشنط كبيرة + التكييف على 165
تقريبا مشاء الله حاجة مريحة وقوة .
وبعدين ذهبنا لقرية قرب مرسى مطروح طريق سفر معايا 2 عربيتن هوندا سيفيك
موديل 2010 قرايبي.
شدينا مع بعض شوية ... يمكن حد مايصدقش او يقول في مبالغة ولكن مش عايز احلف.... كنت بشد عادي معاهم ومستوى السرعة زيهم بصراحة سعادتي مش من السرعة ولكن لمجاراهم بالنسبة انهم هوندا وانا رينو ياجماعة العربية مشاء الله حاجة غير طبيعية مع انها 90 حصان.... انا نفسي مش فاهم هذه المعادلة حد عند النظرية
وعلى فكرة السيفك شاد جامد مش هزار.... حبييت للتوضيح اهل الوجان للعلم
ولكن لي ملحوظة ليه صوت الموتور مع التكييف عالي قوي + استهلاك البنزين مع التكييف هل هو مناسب انا فولت من مصر لغاية الساحل وصل المؤشر تحت النص بشرطتين تقريبا كده مظبوط يعني عملت 270 ك - وكنت عند التوكيل لظبط الاستهلاك...
نسيت كنا اربع سيارات الرابعة لانوس 2011 .. كانت تلهث ورائنا .. وبدلت انا وقريبي ركبت الانوس وهو اللوجان بقيت انا بلهث ورا عربيتي كنت على 160 وهو مش عارف كان على كام بس يدوب شايف عربيتي