ارجو مساعدتى عن بعض الاسئلة اكسارا 2 اتوماتيك
 

السلام عليكم و رحمة الله و بركاتة

احب قبل ان ابدا اشكر كل القائمين عن هذا المنتدى الكريم اتمنى من الله ان يكون فى ميزان حسناتهم و حسنات كل من يفيد اى شخص

استفسارى عن اكسارا2

الحمد لله انا اشتريت اكسارا 2 منذ يومين ولى بعض الاسئله ارجو منكم الافادة

1- ما سعر زيت الفتيس ( الاتوماتيك ) انا سمعت انه غالى اوى ؟ هل يوجد لمبة فى التابلوة لقياس زيت الفتس
2- ما اسعار قطع الغيار ؟
3- ما هى مميزاتها و عيوبها ؟
4- ما هى الصيانات المطلوبة بعد عملية الشراء

وفى النهاية انا حبيت العربية جدا فاتمنى ان اكون احسنت الاختيار

لان كان امامى فى نفس السعر دايو / هوندا 93 / ميتسوبيشى 98

شكرا لكم و فى انتظار ردودكم الكريمة

رد: ارجو مساعدتى عن بعض الاسئلة اكسارا 2 اتوماتيك
 

مبروك عليك العربية
زيت الفتيس الأوتو 100 جنيه تقريبا ..ومجرد راى ما فيش داعى تغيره لو مافيش مشكلة فى الفتيس
الصيانات المطلوبة بعد الشرا السيور وزيت الموتور والفلاتر واهمهم سير الكاتينة
أسعار قطع الغيار فى نفس مستوى الكورى والعربية أفضل من أى عربية فى سعرها

رد: ارجو مساعدتى عن بعض الاسئلة اكسارا 2 اتوماتيك
 

الف شكرا على ردك الكريم

وعندى استفسار ياريت تدلنى اعمل فيه ايه

الميكانيكى بتاعى بقالوا يومين كل لما يركب سير الدينامو يقع فك كل حاجة و ركب غبرها ولسه الوضع زى ماهو

ثانيا بندور العربية بعد الصيانة لقينا الموتور بيطلع دخنة زرقاء و بعدين بيضاء كد بقى الموتور فوت ( عطل ) ولا فيه ايه

واسف لازعاجك

رد: ارجو مساعدتى عن بعض الاسئلة اكسارا 2 اتوماتيك
 

روح لايهاب جلال فى المعادي فى صقر او وليد عند مستشفى الهرم أو مان اوتو فى المريوطية
قولى انت ساكن فين وانا ممكن افيدك فى ناس قريبة ليك ..تركبلك السيور مظبوط
انا مش واثق اوى فى الميكانيكي بتاعك هل هو بتاع بيجو او ستروين ، خد بالك العربية دى هى والبيجو اخوات
الدخنة البيضا المزرقة دى مؤشرات مش كويسة بس ممكن حد يفيدك فيها ما ينفعش نجزم بايه فى الماكنة بالسمع كده واسال كذا واحد

رد: ارجو مساعدتى عن بعض الاسئلة اكسارا 2 اتوماتيك