مصر موتورز مجتمع السيارات - (إنا لله و إنا إليه راجعون) الموتور محتاج عمرة

مصر موتورز مجتمع السيارات (https://www.masrmotors.com/vb/index.php)

- لادا LADA (https://www.masrmotors.com/vb/forumdisplay.php?f=120)

- - (إنا لله و إنا إليه راجعون) الموتور محتاج عمرة (https://www.masrmotors.com/vb/showthread.php?t=90601)

(إنا لله و إنا إليه راجعون) الموتور محتاج عمرة

السلام عليكم
العربية عندى كانت بتفصل لواحدها, أدورها و أسيبها سلانسيه > تبطل
روحت بيها للميكانيكى, شاف الكربراتير و قعد يلعب شويه فى البوجيهات, و راح مغير بوجيه و أتعدل و قاللى...
بص يا بشمهندس , الموتور محتاج نص عمرة, يعنى هنغير الشنبر و الشمايز و ... مش عارف قال أيه تانى !
طبعاً أنا جالى دوار بحر مفاجئ, العربيه لسه مشتريها, أدخل فى عمرة, لا حول و لا قوة إلا بالله

المهم:
- عاوز أعرف التكلفه ممكن تكون أد إيه؟
- سعر إعادة البيع ممكن يقل أد إيه بعد العمرة ( لادا 2105 موديل 82)
- أعملها و لا أستهبل, و إيه اللى لازم آخد بالى منه علشان أحافظ على ما تبقى منه قدر المستطاع.

معلش يا جماعه, أنا آسف بس بجد نفسيتى زى الـ....:sd:

رد: (إنا لله و إنا إليه راجعون) الموتور محتاج عمرة

لازم تعملها متقلقش الموضوع بسيط ان شاء الله اهم حاجه ان الميكانيكي يبقي كلامه مظبوط ميكنش عايز يفتح شغل وخلاص وباذن الله الموضوع مش حيعدي 1000 بالمصاريف

رد: (إنا لله و إنا إليه راجعون) الموتور محتاج عمرة

يا باشا دي نص عمرة يعني تكلفة في الحنين نوعا ما يعني في تقديري من 600 الي 800ج ودا حياثر بالايجاب علي سعر اعادة البيع انت موديل 82 اي حاجة تعملها في الماتور دلوقت حتحس انها انعشت العربية ودا في صالح سعر اعادة البيع

ونصيحة لو العربية في المجمل كويسة بعد نص العمرة اوعي تبيع اتمتع بيها الاوب حتلاقيها حاجة تانية خالص باذن الله

رد: (إنا لله و إنا إليه راجعون) الموتور محتاج عمرة

نصيحتى ما تعملش العمره الا اما تسأل ميكانيكى واتنين وثلاثه
لان فى ناس عاوزه شغل

رد: (إنا لله و إنا إليه راجعون) الموتور محتاج عمرة

الله يباركلكم , أنا وديتها لميكانيكى تبع واحد صاحبى, و قولتلوا أكشف عالموتور و الزيت و .... عاوز تقرير, و برضه قاللى نفس الكلام ( شنبر و شمايز علشان بتطرد زيت)
عالعموم, قدر الله و ما شاء فعل, و ربنا يعوضنا خير.
جزاكم الله كل الخير