رينو سانديرو2013
 

مش هطول عليكواROSE4U
شهر 6 اللي فات كنت هشتري عربيه في حدود 80 الف وكنت استقريت خلاص علي الفيرنا اتوماتيك وبالفعل روحت سمير ريان عشان اشوف الالوان المتاحه وكنت استقريت اجيب اللون الفيراني حصل ظرف والحمدلله
بس بجد انا مبسوط جدا اني مشترتهاش:HAPPY_~211: لاني كنت حاسس انها مفروضه عليا ومعنديش اختيار تاني
ولما دخلت ودورت عالنت لقيت السانديرو الجميله(انا كنت عارف طبعا اللوجان بس انا مكنتش بحب شكلها- الاختلاف في الرأي لا يفسد للود قضيه- ) بس كنت خايف من الرينوعامة وخصوصا ان كل صحابي خوفوني منها ماعدا واحد بس قالي ان الرينو جميله بس لو حافظت عليها وعملتلها الصيانه بتاعتها باستمرار وطبعا قالي ان سعر البيع مش هيفرق معايا كتير لاني مش مضطر اغير العربيه دلوقتي خالص
الحمدلله انا استقريت عالسانديرو اتوماتيك وطبعا مش هنسى صلاة الاستخاره قبل ما اروح اشتريها
انا اتصلت ب16202 قالولي الاستلام بعد 3 شهور والعربيه ب83 ونص ولما اتصلت بسمير ريان قالي 86 ونص ولما قولت للمندوب اني شوفتها في كونتاكت بتمن التوكيل قالي الاستلام عندنا فوري وقالي لما تيجي بس نبقي نتكلم في السعر
ان شاء الله انا ناوي اروح بعد العيد مباشرة
بس كان ليا سؤال ياريت تفيدوني فيه
هل السانديرو الاتوماتيك 2013 نازله بكاسيت الجديد اللي في اللوجان اتوماتيك 2013 بمعني نازل فيها بلوتوث وusbولا لاايه ياترى

رد: رينو سانديرو2013
 

ساندرو ولا ساندرو استيب اواي
انا لو مكانك مش هتردد في ساندرو اسب اواي
وخضوصا بالسعر ده
ساندرو مش منتشره فاكيد قطعها غاليه و اعاده بيعها صعبه
و بعدين ماله المانيوال مش فاهم انا الموضوع ده:shyy:

رد: رينو سانديرو2013
 

شكرا ياحامد عالرد:Wkiss5:
بس انا عاوز سانديرو اتوماتيك(وللعلم انا سألت عالستيب واي قالولي مش هتنزل اتوماتيك السنه ده) :shyy:
بس انا مشكلتي مع المانيوال ان ده اول عربيه في حياتي يعني اول مره اسوق يادوبك لسه متعلم ومش خبير اوي في السواقه:shyy:
والحاجه التانيه انا سواقتي كلها هتبقي داخل المدينه حسب طبيعة شغلي وبيتي (وما ادراك ما زحمة القاهره مش محتاجه مانيوال خالص)
انما بقي في حتة اعادة البيع ده فأنا ان شاء الله مش هبيع دلوقتي خالص .....بقولك اول عربيه في حياتي ياجدع وانت عاوزني ابيع علطول كده
طب مش بايع:fun_broken::fun_brok en:

رد: رينو سانديرو2013
 

اسال في الطارق لان المندوب هناك قاللي ف وسط دردشه بعد ما جبت استيب واي...ذكر ان السانديرو اوتوماتيك =85 الف....و اعتقد انها بشكل او باخر هتتحل محل الجيتز ف وعي السوق المصري


ربنا يوفقك

رد: رينو سانديرو2013
 

تصحيح معلومة قطع غيار اللوجان نفس قطع غيار السانديرو نفس قطع غيار الستيب واي يعني الثلاثة مشتركين في قطع الغيار