سياره فاشله وتوكيل فاشل fsv 2013
 

سياره فاشله وتوكيل فاشل بريليانسfsv 2013

انا لسه شارى سياره fsv 2013
سياره فاشله وتوكيل فاشل بيتلكك على اى حاجه انا حساس الشكمان عطل لسه مكماتش عشره الاف كيلو وده يخليك تعرف ان ان مكونات السياره رديئه رحت اشتريه من بره لقيتو 500 جنيه والمفاجاه انى لقيت ان العربيه فيها 2 حساس شكمان يعنى الف جنيه ياباشا
انا الاكصدام اتخبط خبطه خفيفه 2 اريباك فتحو رحت التوكيل المهندس قالى هو مظبوط على سرعه 30 كيلو وخرج السياره من الضمان وده عيب في العربيه لان حساس الاريباك راكب مظبوط على اخف خبطه علشان ننفع التوكيل الفاشل وشركه سرقه فلوس الناس انا ندمت انى اشتريت العربيه دى اشد الندم واكسسوارها غالى نار ومش متوفر لافيها انذار ولا وحده رفع زجاج وكلاكس واطى
العربية عالية من ورا والنقطة العمياء فيها كبيرة ... ده بيعرضك للخدش أثناء الركنة الكتاوج الخاص بالسياره انجليزى ومش فاهم منو اى جاجه وده مخالف للقانون حمايه المستهلك ,وانا هعمل فيهم شكوى لجهاز حمايه المستهلك وهمل محضر في قسم الشرطه وهرفع عليهم قضيه ومهما يحصل مش هسيبهم

رد: سياره فاشله وتوكيل فاشل fsv 2013
 

مش عارف اقولك ايه قلبي معاك وده عيب الصيني وعيب الحكومة بتاعتنا ان تخلي وكيل زبالة يتحكم في شقي الناس ويريتك تعرف تجيب من برة يقولك جمارك وسي سي تقوم جايب من جوة واديك شايف جوة
لو برة الكلام ده وتكون لسه شاريها ومبقلهاش وده يعنبر عيب تصنيع ولسه في الضمان ااقل حاجة حيصلحهالك ويخليهالك جديدة ده لو مدكش واحدة جديدة لكن هنا يديك علي دماغك
تخيل بقي الدولة فتحت العربيات وخلتها من غير جمارك هتلاقي الوكيل ده اول ماتروحله يبوس علي لمؤاحذة كتفك وكل حاجة فيك ويلمعلك العربية بنفسه ويبعت معاك حرس لحد البيت
ليه بقي
لانه كله هيجيب من بره وانت عارف تصنيع وتقفيل بره
حتي لو مستعمل بيبقي جديد
ولما تيجي تفكر تشتري هتحسبها مليون مرة وهتنتهي انك تجيب من برة بردو
ادعو معايا ربنا يهدي حكومتنا
ويارب تساوينا كده بأي دوله تانيه في معامله المواطنين وانا مش بقول دوله اجنبية لا سمح الله
حتي لبيا موافق

رد: سياره فاشله وتوكيل فاشل fsv 2013
 

اياك و اياك و اياك ان تهدأ و للحظة واحدة عشان الناس ديه مابتجيش الا بالزعيق وال فضائح يعنى روح عدل على جهاز حماية المستهلك و فضي اللى فى قلبك كله و ان شاء الله هيرجعلك حقك و اياك تكسل

رد: سياره فاشله وتوكيل فاشل fsv 2013
 

بعها و هات من الآخر و اعرف أنها كل ما بطول معاك ثمنها بيقل

رد: سياره فاشله وتوكيل فاشل fsv 2013
 

بيع العربية وأخلص بسرعة منها ومش أقولك متبلغش عنهم وتشتيكيهم بس عايز أقولك مفيش أساسا دولة ولا حكومة ولا شرطة تحمى الشعب من البلطجية ده الواحد بخاف يروح القسم يعمل محضر يقلولك النهارده أجازة أفلين ولا يكونو بيغسلو القسم مش فاضيين
:bb127bc6eab060e3e23