الانجازات فى علبة الفيوزات
 

اخوانى الاعزاء اعضاء المنتدى الكرام بداية لقد استفدت كثيرا من مرور وتجارب الاعضاء بفضل الله ومن هذا المنطلق انا حبيت اكتب فى موضوع علبة الفيوزات وشرح لمهام الفيوزات اللى بالعلبة ودرجة مقاومة كل فيوز
أولاُ: علبة الفيوزات داخل مقصورة القيادة
فى البداية معلومة مهمة جدا جدا وهى انه يجب ان يكون كل فيوز راكب فى مكانه الصحيح ولة نفس رقم المقاومة الموصوف له ( بالبلدى يعنى فيوز 20 امبير متركبلوش فيوز 10 امبير )
ونبدأ بأذن الله
علبة الفيوزات موجود بجوار قدم السائق اليسرى وهى عبارة عن 20 فيوز كل واحد مسئول عن مهمة فى السيارة وعلبة الفيوز مقسمة الى نصفين نصف ناحية الباب ونصف ناحية البدالات
النص اللى ناحية الباب كالتالى :-


النصف الثانى اللى ناحية البدالات كالتالى :-

ملاحظات هامة :-
1- يجب وضع الفيوزات الاصلية وليس الصينى وممكن تجيب الفيوز الواحد بجنية فقط
2- مكان الفيوز f8 لا يركب بة فيوزات خالص
3- يجب وضع الفيوز بنفس القيمة المكتوبة ( الامبير يعنى )
4- F تعنى الفيوز ورقمة فى الترتيب
5- A تعنى قوة الامبير الخاص بهذا الفيوز
6- باقى المكتوب هو مهمة الفيوز

اتمنى فى النهاية ان يستفيد منه باقى اعضاء المنتدى الكرام ولو فى تصحيح ارجو ذلك لتعم الفائدة وعلى فكرة هذا الشرح انا وصلت الية من الكتالوج الخاص بسيارة لانوس كنت قد استطعت الحصول علية من الانترنت ولذلك فهذا الموضوع ليس جهد شخصى
فى النهاية لكم جميعا خالص التحية والتقدير ،،،، اخوكم صفوت صلاح

رد: الانجازات فى علبة الفيوزات
 

رد: الانجازات فى علبة الفيوزات
 

انا تحت امرك واتمنى ان يستفيد معظم رواد المنتدى وانتظرنى بعد ايام هكتب فى علبة الفيوزات اللى جوة المحرك واكرر شكرى لك :1467AC~154:

رد: الانجازات فى علبة الفيوزات
 

مشكور أخي الكريم وبارك الله فيك, وعندي استفسار لو تكرمت: هل لمبة حزام الأمان اللي في التابلوه ليها فيوز ولا لأ؟ لأنها كانت شغالة عندي وفصلت مرة واحدة ولما أكدت على الفيشة البيضاء اللي تحت كرسي السائق لاقيتها راكبة بدون مشاكل فهل يا ترى المشكلة دي ليها حل؟ وشكرا.

رد: الانجازات فى علبة الفيوزات
 

صديقى العزيز سلاكوستا تحياتى بالنسبة لموضوع لمبة حزام الامان انا هحكيلة حكاية وفى النهاية اتمنى تعرف السبب .... فى البداية فى يوم عادى وانا متعود انى لما اركب السيارة اطلع الكرسى للامام شوية عشان انا قصير وفى يوم وانا بعمل نفس الحركة وبمسك اليد اللى تحت الكرسى لسحبة الى الامان اخذت معايا السلك بتاع حزام الامان ومحستش بة خال وعلى فكرة لم ينقطع وبعدها بيوم كدة شميت ريحة شياط كبرت دماغى وبعديها بيومين شميت ريحة شياط ودخان من اسفل الكرسى والتابلوة ومن كل حتة وتخيل الباقى بقى انا بقيت قاعد بتطنطط وفى نفس اليوم رحت للكهربائى وهو بأمانه والله اعلم لعيب كهربا بجد حكتلة الحكاية مشى مع السلوك بالترتيب لحد مارفع الكرسى والموكيت والعتب والمفاجاءة لقيت سلكين طول كل واحد متر تقريبا لايوجد به كفر يعنى البلاستك اللى علية ساح تماما ونسيت اقول لك ان لمبة حزام الامان مكنتش بتنور وكل لمبات العداد كمان والعربية كانت بتعمل العجب يعنى تدور العربية تلاقى الاريال طلع تقل الباب تلاقة لمبة الباب نورت تفتح الباب والعربية دائيرة تلاقيها بطلت انا بامانة كنت هتجنن ونسيت اقولك الكاسيت ضرب كمان يعنى اتبهدلت والحمد لله بامانة الحمد لله على العموم وعلى فكرة الموضوع دة هو اللى خلانى ابحث فى موضوع الفيوزات واسف ان كنت اطلت عليك
الخلاصة من الاخر ممكن يكون كبل حزام الامان اللى عندك راكب بس فى سلة مش فى مكانها دة الاحتمال الاول اما بقى الاحتمال التانى ان فيوز الخاص بالمبات التحذيرية كلها ضرب لانها منظومة واحدة ورقمة F11 ومكانة اول واحد اللى ناحية البدالات من فوق الاحتمال الثالث والاخير الفيوز رقم F3 ومكانة ثالث واحد من فوق فى الناحية اللى جنب الباب
ونصيحة اخيرة بقى لوغيرت الفيوزات ومفيش فايدة يبقى لازم تزور الاسطى ايمن الكهربائى لان زى ماحكيت فى البداية وقلتلك انا طنشت وشفت اية اللى حصلى ( ارجوك تابع هذا الموضوع ) ومعلش انا رغاى ولو عاوز نمرة ايمن قولى وانا اوصفلك مكانة ونمرتة وتحياتى اخى سلاكوستا ولكل الاعضاء وارجو الاستفادة من تجارب بعضنا 0 وشكرا صفوت صلاح