عايز اعلم مراتى السواقة وهى مش راضية
 

السلام عليكم
انا عارف ان ده قسم للبنات وعشان كدا قلت اخد نصيحتكم
انا عايز اعلم مراتي السواقة وهي مش راضية
زماااان ايام الخطوبة كنت علمتها شوية كدا علي عربية هوندا مانيوال وكانت بتعرف تطلع بالعربية وبعدها خافت
دلوقتي معايا فولكس واجن جيتا وطبعا اوتوماتيك وهي رافضة تسوقها تماما بحجه حجمها الكبير
يا ريت تفيدوني ازاي ااقدر اقنعها ؟؟
وشكرا مقدما لكم جميعا

رد: استفسار ضروري لو سمحتم
 

بص احنا حصلت معانا نفس القصة و والدتى كانت رافضة تتعلم لكن لم قولنالها انه هيبقى فيه عربية جديدة ليها بعد ما تتعلم و تتمكن و وافقت بعد هذه الاغراء و هى الان بتتعلم

رد: استفسار ضروري لو سمحتم
 

هاتلها عربية صغيرة و عالية زيى ال i10
وضعية سواقتها اسهل كتييييييييييييييييير

رد: استفسار ضروري لو سمحتم
 

اية يا جماعه انتم جاين علي خرابها ليه كدا ؟؟؟؟؟؟؟ :)
طبعا الفكرة دي اكيد جتلي وعرضت عليها العربية الصيني دي تخبط فيها والحمد لله مفيهاش اي عوامل امان ( ضرب عصفورين بحجر ) لكن هي رفضت بحجة العربيات الكبيرة والباصات لما بتشوفهم في الشارع بتقولي حنزل واسيبلهم العربية

طبعا ميرديش اي حد اني اعمل في فلوسي كدا

شوف لنا حل تاني
وشكرا علي تفاعلكم السريع

رد: استفسار ضروري لو سمحتم
 

انت قد الكلام دا ؟ هههههههههههههههههههه
خليها الاول تسوقها جوا النادى و فى مصيف لو قرية سياحية مثلا كدا حتبتدى تتجرأ

رد: استفسار ضروري لو سمحتم
 

شكرا لاهتمامك وفعلا حعمل بالنصيحة

رد: استفسار ضروري لو سمحتم
 

انا كنت ومازالت جبانه جدا من موضوع السواقه ده ومكنتش حبها خالص.بس الحمد لله خدتها واحده واحده وبعد توفيق ربنا عدت مرحله كبيره جدا.نصحيتي ليك انك تخيلها تدخل تقراء المواضيع بتاعتنا هنا علشان تعرف اننا كلنا وجدنا صعوبه في التعلم.وكمان لازم تطمئنها انها تتعلم براحتها بدون استعجال وتاخد وقتها في التعلم وياريت تشوفلها مركز تدريب موثوق فيه.لانك انت لو عملتها هتتكسف تغلط ادامك وممكن تتضايق بسرعه.انا شخصيا بعد ما تعلمت كررت الكورس تاني وبخلي جوزي ينزل معايا برضو.وعن تجربه موضوع الثقه بالله ثم المواضيع بتاعت الاصدقاء هنا هتديها دفعه كبيره وهتغير وجهه نظرها في التعليم.ربنا معاك ومعها