|
مشاكلى مع بيجو 307
السلام عليكم
اخوكم الجديد فى المنتدى هشام انا عندى عربيه بيجو 307 أتوماتيك وفيها شويه حاجات كده بحس بيها فى العربيه عاوز اعرف سببها ايه لو أمكن انا مبفهمش فى العربيات خالص .. فلو أمكن الرد يكون بسيط ووافى 1- وانا ماشى مثلا طالع كوبرى على سرعه 50 ودايس برجلى عادى وسبت رجلى نازل من على الكوبرى خلاص بقى الاقى ال RPM بيعلى لوحده مع دوسه بنزين زيادة 2- الصبح اول لما ادور العربيه احس ان الموتور بيتلت جامد 3- اول مشغل التكييف مع وضع D وواقف فى اشارة مثلا الاقى العربيه بتتهز جامد مع الدريكسيون اول لما انقل الغيار لل N الأمور ترجع طبيعية 4- ع طول بيكتبلى Antipolluiton Fault ده ايه .. حساس شكمان ولا ايه 5- وانا ماشى عادى على ال D الاقى مره واحده ال RPM عالى ومبيزنلش والغيار لو حولته مانيوال بلاقيه على الغيار الثانى ومش بينزل والعربيه بطلع صوت جامد من الشكمان بس مفيش استجابه معلش أسف طولت عليكوا .. أتمنى منكوا رد السريع وبسيط لمشاكلى ... شكرا ليكوا |
رد: مشاكلى مع بيجو 307
1 - روح اكشف كمبيوتر وشوف قاريه اعطال ايه كلها
2- غالبا فيه حاجة فى علبه البيئه او حساس محتاج يتغير وكل حاجة تتظبط بعد كده 3- بص على البوجيهات وسرفيس سريع كده مع الفلاتر وسواء حساس او علبه بيئه ولا شكمان تظبطهم وترجع اكشف كمبيوتر تانى ياريت الميكانيكى اللى اللى هتروحله يبقى متخصص فرنساوى وحافظ ظبطه العربية وفيه هنا فى الموقع مراكز متخصصة كده ونصيحه عامة ياريت الاوروبى تحديدا قبل ما تشتريه مستعمل تكشف عليه فى مركز متخصص وتقراء اعطال علشان متضطرش تحل فوازير بعد ما تشرتيها |
رد: مشاكلى مع بيجو 307
شكرا لك أخى AbOnOrA على التوضيح والرد
طب معلش هو فيه حساس معين عشان مرحش للميكانيكى ويعد يدوخنى معاه |
| الساعة الآن 02:47 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017