رد: اسعار قطع غيار السياره الادا الاستيراد
 

اكيد طبعا الـ 5 بليه بيحول العربية الى نصف باور .. بس سعره عالى ومش هاتفرق كتير الا والعربية واقفه لكن مع الحركة مش هايفيد فى شئ الصراحه
انا كان عندى العادى وركبت 5 بلية مش مستفيد منه شئ الا فى الحركة من الثبات .. ومش ملاحظ تغير فى الحركه اثناء السواقه تستاهل ثمنه.

رد: اسعار قطع غيار السياره الادا الاستيراد
 

شكرا - افادكم الله -

طاب انا محتار وبسبب الحيرة لسه مبتدأتش شغل فى العربيه

عايز اغير السوسته والمساعد الخلفى - ورا -
الراى الاول
اغير بحاجات ال لادا ( سوسته لادا+ مساعد لادا )
الراى الثانى خليط ( سوسته 132 + مساعد لادا )
الراى الثالث تعديل ( سوستة 132 + مساعد دبابة )
وكل راى له حجته
الراى الاول = بلاش نلعب فى العربيه ونركب لها حاجاتها
الراى الثانى سوسته ال132 ( بعد قصه حلقة على البارد ) هتكون مناسبة جدا وتمنع الاحتكاك
مع ملاحظة ان المنتقدين مفروض لو سبت الحلققة من غير قص هتبوظ المساعد لانها اطول
ولو قصيتها يبقي الفرق بينها وبين سوستة ال لادا مش كبير فاجيب سوستة ال لادا
الراى الثالث
سوستة ال132 اطول ومساعد الدبابة مشوارة اطول فيمشوا مع بعض - لكن التركيبه هتكون ناشفة
وهتاثر على جسم العربيه وتخلي العربيه تتفكك وده مخوفنى

انا عايز العربيه تبطل احتكاك او على الاقل يخف الاحتكاك لما اركب ناس ورا

رد: اسعار قطع غيار السياره الادا الاستيراد
 

اولا الرئ الثانى فاشل جدا ولا يصلح من الاساس
ثانيا الرئ الثالث ملوش اى لازمه لان مشوار السوسته لا يساوى مشوار المساعد مما يتسبب فى انضغاط غير مبرر او قفز غير مبرر وغير متناسب نهائ
لان عدد حلقات السوسته ليها عدد وحساب مناسب حتى تتناسب مع المساعد مش اى كلام
بخصوص الاحتكاك انا انصح تركب ناس اوزانها اخف اسهل من انك تعمل كل وجع الدماغ ده :)
او تعلى العربية شويه بكوتشت التعليه واعتقد ده ممكن يخفف الحتكاك شوية لو الاوزان مناسبه.
مع العلم انى معاى عربية لاده 1200 ستيشن وبشيل فيها عدد الركاب بالكامل + الشنطه والسقف مليان ومش بقابل الاحتكاك اللى بتقول عليه نهائى .. بس انا بستخدم مساعدين هواء مش زيت .. واليايات الاستيراد الاصلى.
وعلى العموم هاعمل جولة مع اصدقائى تخصص تعديلات واشوف هل كلامك يكون منطقى ولا لأ
بالرغم انى مش مقتنع بيه لان اسكندرية بلد اللاده ولو كان كلامك يمشى كنا اول ناس نستخدمه

رد: اسعار قطع غيار السياره الادا الاستيراد
 

تمام كده
الاسكندريه بلد ال لادا وان شاء الله تجيب لى الخبر اليقين

بالنسبة لعربيه حضرتك الاستيشن فهى اكيد روسي - لكن انا عربيتى مصري
وممكن يكون التجميع المصري هو السبب باختياره لسوست نوعيه رديئه ومساعد نفس الشيئ

كمان حاجة هنا فى الغردقة استعمال الخارج مش هيكون موجود
فلو سمحت يبقي الكلام والاسعار عن الجديد كماركه وسعر ابحث عنهم

فى انتظار رد حضرتك

رد: اسعار قطع غيار السياره الادا الاستيراد
 

مساعد مايلي المانى خلفلى عدد2ب235
سوسته ارجنتينى خلفى ب250

هل الاسعار والانواع دى كويسه ولا
ارجو الافاده والنصيحه