مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   تأجير السيارات (https://www.masrmotors.com/vb/forumdisplay.php?f=92)
-   -   خفايا مكاتب الايجار واسرارها من داخل المكاتب (https://www.masrmotors.com/vb/showthread.php?t=63010)

محمود36 13-07-2011 02:16 AM

خفايا مكاتب الايجار واسرارها من داخل المكاتب
 
السلام عيكم ورحمة الله
الموضوع دة معمول للكل
يعني اصحاب السيارات سواء كان المؤجر بسائق او بدون
او طالب السيارة سواء بسائق او بدون
نبدأ اولا ب التعريف بنفسي
محمود
صاحب مكتب ايجار ليموزين
للاستفسار العاجل 0020103329909
الموضوع هيتكلم عن المشاكل الموجودة في مكاتب الايجار والحوارات الكتيرة
مثل افضل طرق الايجار
الضمانات المطلوبة لضمان الحقوق والتلاعب في وصلات الامانة المقدمة
التلاعب في التامين ومن مصلحة مين او المستفاد الاكبر:014FDA~117:
لية المكاتب بتطلب السيارة بدون سائق
لية الافراد صعب يوصل للشركات
لية الاستثمار دة فية مشاكل كتير
اية الافضل التأجير من مكتب او من اسرة
اهميت التأمين
دخول الاستثمار دة بسيارة اقساط افضل ام كاش
المطلوب لكل من لدية سيارات للايجار اوعايز ياجر سيارة او مكتب ايجار
او محامي متخصص في الموضوع دة ووصلات الامانة واصحاب الخبرة السؤال عن اي استفسار او الاجابة
انا اشرت الى جزء من مشاكل الايجار ووضعت بعض المواضيع لمناقشتها وسيتم المناقشة عن طريق الاسئلة الموجها سواء كانت من المشار اليها او مشاكل اخرى
yesyesارجو عدم تزيف الامور ليعم الفائدة على الكل

BoPPoS 13-07-2011 11:41 PM

رد: خفاي مكاتب الايجار واسرارها من داخل المكاتب
 
بجد انت عبقري يا استاذ محمود . ...

انا ان شاء الله ناوي اأجر عربيه يوم السبت الجاي ودي هتكون اول عربيه اأجرها في حياتي وكل اللي اعرفهم بيقولو لا المكاتب هينصبو عليك ويلبسوك في الحيطه وحوارات وكدا

والمشكله اني ناوي ان شاء الله اجيب عربيتين بي ام 316 موديل 93 هيكلفوني 120 الف وافتح محل ايجار دي مشروع ابتدائي ... وكل ما اسأل الناس الاقي كلام عجيب

مثلا :: 1- لا لا لا سيبك من الحوارات دي ... دي ليها ناسها وانت هتنداس ممكن تفتح محل بلي ستيشن هيكلفك 30 الف وزي الفل

2- انت مجنون يابني ... هيجيلك واحد يأجر العربيه ويسرقها ويقطعها او يبيعها ... فكك

3- ( من بق سمكري ) بص يا باشمهندس بتوع محلات الايجار دول حسبي الله ونعم الوكيل فيهم .. لو الرفرف اتخبط منك يروح يرش الجنب كله ويزبط العربيه على حسابك .. وانت يا عيني لازم تدفع بدل ما تقعد في السجن او تقوم محامي ووجع دماغ

4- ( كلام تاجر ) مشروع جميل جدا ومكاسبه حلوه ومش محتاج مجهود ..
انا : طيب ايه اساسياته او تنصحني بايه ؟؟
التاجر : مالوش اساسيات .. عربيتين حلوين واجرهم والكل يمضي ولو حصل حاجه على حساب اللي مأجر وبس يا معلم

كلام في كلام في كلام

انا اسف جدا على الرغي الكتير دا ... بس دا من زهقي وقرفي من كتر ما لفيت وسألت وشفت

تقبلو تحياتي ... ياريت حد يفيدنا في الموضوع دا بجد وايه اساسياته لو هأجر عربيه او افتح محل ايجار ...

AbOnOrA 13-07-2011 11:54 PM

رد: خفاي مكاتب الايجار واسرارها من داخل المكاتب
 
موضوع جميل ومفيد بلا شك فى انتظار البقية :01FDAB~189:

محمود36 14-07-2011 12:18 PM

رد: خفاي مكاتب الايجار واسرارها من داخل المكاتب
 
اقتباس:

المشاركة الأصلية كتبت بواسطة BoPPoS (المشاركة 475969)
بجد انت عبقري يا استاذ محمود . ...

انا ان شاء الله ناوي اأجر عربيه يوم السبت الجاي ودي هتكون اول عربيه اأجرها في حياتي وكل اللي اعرفهم بيقولو لا المكاتب هينصبو عليك ويلبسوك في الحيطه وحوارات وكدا

والمشكله اني ناوي ان شاء الله اجيب عربيتين بي ام 316 موديل 93 هيكلفوني 120 الف وافتح محل ايجار دي مشروع ابتدائي ... وكل ما اسأل الناس الاقي كلام عجيب

مثلا :: 1- لا لا لا سيبك من الحوارات دي ... دي ليها ناسها وانت هتنداس ممكن تفتح محل بلي ستيشن هيكلفك 30 الف وزي الفل

2- انت مجنون يابني ... هيجيلك واحد يأجر العربيه ويسرقها ويقطعها او يبيعها ... فكك

3- ( من بق سمكري ) بص يا باشمهندس بتوع محلات الايجار دول حسبي الله ونعم الوكيل فيهم .. لو الرفرف اتخبط منك يروح يرش الجنب كله ويزبط العربيه على حسابك .. وانت يا عيني لازم تدفع بدل ما تقعد في السجن او تقوم محامي ووجع دماغ

4- ( كلام تاجر ) مشروع جميل جدا ومكاسبه حلوه ومش محتاج مجهود ..
انا : طيب ايه اساسياته او تنصحني بايه ؟؟
التاجر : مالوش اساسيات .. عربيتين حلوين واجرهم والكل يمضي ولو حصل حاجه على حساب اللي مأجر وبس يا معلم

كلام في كلام في كلام

انا اسف جدا على الرغي الكتير دا ... بس دا من زهقي وقرفي من كتر ما لفيت وسألت وشفت

تقبلو تحياتي ... ياريت حد يفيدنا في الموضوع دا بجد وايه اساسياته لو هأجر عربيه او افتح محل ايجار ...

اولا موضوع عايز تاجر عربية يوم السبت
لو هتاجر عربية مدة اقل من اسبوع عشر ايام تعمل بية مشاوير او فسح
احسن حاجة تاجرها بسائق والسائق بيتحمل المسؤلية عن العربية
لو هتاجر مدة طويل اجر من مكتب محترم وابعد عن الاسر لانها غير مؤمنة
معاك ان المكتب اسعار اعلى بس افضل في التفاهم وسيارت المكتب مؤمن عليها
عند التاجير استفسر عن السيارة مؤمن علية ولو مؤمن ازاي التعامل في حالة الحوادث
تعرف اذاي ان المكتب محترم اذا كانت السيارة مؤمن علية والسيارة حالتة كويسة وتعرف ان في حالة الحوادث لا قدر الله ان هيدفعك عشرة في المية من قيمة الصيانة وايجار السيارة اثناء الصيانة
وعادتن فترة الصيانة من شهر الى شهرين حسب شركة التامين لانة بترسل خبراء لتقيم الحادث وتصور السيارة وتعمل تقرير الكلام دة بياخد من 10 ال15 يوم وبعد كدة بتخش التوكيل تبع شركة التامين وتاخد دورها في حد اقصى شهر ثم تطلع وتنتظر شركة التامين لتصوره وكتابة التقرير في حدود 3 ايام وبعدة باسبوع او اثنين بيطلع شيك بقيمة الصيانة من شيكة التامين
طبعا انت بتدفع الفترة دي كلها معاد فترة انتظار الشيك
اذا قال الكلام دة المكتب تعرف انة كويس
طبعا بتمضي على وصل امانة اياك يكون على بياض امضية بقيمت السيارة وشوف السيارة لو فية خربوش اواي حاجة اثبتو في مكت السيار عبارة عن رسمة للسيارة تعلم فية على الماكن الموجود فيها مشاكل كاثبات
وعشان تريح نفسك من الدوشة دي اجر بسائق افضل

محمود36 14-07-2011 01:06 PM

رد: خفاي مكاتب الايجار واسرارها من داخل المكاتب
 
اقتباس:

المشاركة الأصلية كتبت بواسطة BoPPoS (المشاركة 475969)
بجد انت عبقري يا استاذ محمود . ...

انا ان شاء الله ناوي اأجر عربيه يوم السبت الجاي ودي هتكون اول عربيه اأجرها في حياتي وكل اللي اعرفهم بيقولو لا المكاتب هينصبو عليك ويلبسوك في الحيطه وحوارات وكدا

والمشكله اني ناوي ان شاء الله اجيب عربيتين بي ام 316 موديل 93 هيكلفوني 120 الف وافتح محل ايجار دي مشروع ابتدائي ... وكل ما اسأل الناس الاقي كلام عجيب

مثلا :: 1- لا لا لا سيبك من الحوارات دي ... دي ليها ناسها وانت هتنداس ممكن تفتح محل بلي ستيشن هيكلفك 30 الف وزي الفل

2- انت مجنون يابني ... هيجيلك واحد يأجر العربيه ويسرقها ويقطعها او يبيعها ... فكك

3- ( من بق سمكري ) بص يا باشمهندس بتوع محلات الايجار دول حسبي الله ونعم الوكيل فيهم .. لو الرفرف اتخبط منك يروح يرش الجنب كله ويزبط العربيه على حسابك .. وانت يا عيني لازم تدفع بدل ما تقعد في السجن او تقوم محامي ووجع دماغ

4- ( كلام تاجر ) مشروع جميل جدا ومكاسبه حلوه ومش محتاج مجهود ..
انا : طيب ايه اساسياته او تنصحني بايه ؟؟
التاجر : مالوش اساسيات .. عربيتين حلوين واجرهم والكل يمضي ولو حصل حاجه على حساب اللي مأجر وبس يا معلم

كلام في كلام في كلام

انا اسف جدا على الرغي الكتير دا ... بس دا من زهقي وقرفي من كتر ما لفيت وسألت وشفت

تقبلو تحياتي ... ياريت حد يفيدنا في الموضوع دا بجد وايه اساسياته لو هأجر عربيه او افتح محل ايجار ...

ثانيا عايز تفتح مشروع زي دة
انت بتقول معاك 120 الف اكبر غلط انك تجيب اثنين بي ام دبليو موديل 93
مكاتب الايجار بتعتمد على السيارات الحديث فقط يعني العربية ميعديش علية بحد اقصى خمس سنوات
الافضل تجيب سيارة فرنا كاش في حدود 70000 وتجيب كيا سيراتو اقساط وتامن على العربيتين والاهم مكتب يكون في مكان كويس ويكون ديكور كويس لان الشغل دة بيعتمد على المظهر و تعمل سجل تجاري وبطاقة ضريبية بعد كدة بتفتح المكتب ودور على عربيتين غير الموجدين عشان يمشو المكتب يفضل النترا وفرنا وبتعمل مع اصحاب السيارات عقد ايجار بيكون عادة من سنتين الي ثلاث سنوات وبتديلو صورة من السجل التجاري ومن البطاقة الضريبية ومن البطاقة الشخصية واياك من اعطائة وصل امانة لان العقد بيلزمك بالسيارة
وبتجيب واحد ثقة مهمتو يطلع ب السيارة كسائق ويبق في المكتب يساعد
وبتشوف محامي كويس تبقى تعرفو عشان الطوارق
وبتتفق مع مكتب تاني عشان تعمل اكتفئ مع بعض في حالة لواتزنقت ومع الوقت بتفهم اكتر اية كمية السيارات المنسب للمكتب وبتوفرها
بعض الملحوظات
1- خلي السيارات اوتومتك
2- ابعد عن الطمع
3- ادرعملك بنفسك
4- لا توجر بدون سائق اقل من 5 ايام في غير الصيف وشهر في الصيف
اقل من ذالك بسائق
5- افتح المشروع في شهر 4 او 5 عشان تلحق موسم الصيف لانة بيعمل دخل اكتر من باقي السنة
6- عند التاجير تاكد من وجود رخصة وبطاقة سارية
7- لضمان حقق بتكتب عقد وبتعمل مكت للسيار وبتكتبو وصل امانة
8- ابعد عن المجاملات مع الاصدقاء و الاقارب لان دة باب رزق
9- لو اخرجت جميع السيارات لا تغلق المكتب
10- ارجو ان اكون افتك والله الموفق


الساعة الآن 07:24 PM.

Powered by vBulletin® Copyright ©2000 - 2019, Jelsoft Enterprises Ltd.
www.MasrMotors.com ™ Copyright ©2008 - 2019
Egyptian Automotive Community
جميع الحقوق محفوظة - مصرموتورز 2008 - 2017