|
مقارنة بين جميع أنواع سيارت الربع نقل (بيك أب ) فى مصر
السلام عليكم
من خلال بحثى على المواقع لم أجد أى مقارنة لسيارت الربع نقل أو البيك أب !! وأى حد بيسأل بتكون المقارنة عبارة عن لا تقلى نيسان ولا دبابة التيوتا ؟؟؟؟ هى ديه وجه المقارنة مجرد تجربة أو حدس لأحد الأعضاء لذا أرجو لجميع الأعضاء اللى عندهم خبرة كل واحد يحط رأيه واللى يعرفة فى الصفحة ديه وأنا هبتدى بالأنواع شيفروليخ (الدبابة) Cheverolet إيزوزو Isusu نيسان Nissan تويوتا Toyota السيارات الصينى (لا أعرفها كلها) وأرجو التفاعل |
رد: مقارنة بين جميع أنواع سيارت الربع نقل (بيك أب ) فى مصر
أنا هقول اللي أعرفه.....
شيفروليه الدبابة الفرق بينها و بين ايسوزو... أن الدبابة تجميع منصور.... أما الايسوزو فمستوردة.... نيسان تجميع مصري... تويوتا تجميع في مصانع تايلاند.... بعيدا عن الصناعة و التجميع.... خليني أقولك من خلال الخبرة و السؤال لمختلف مستخدمي العربيات ديه.... الدبابة أكثرهم عملية.... قطع غيار ببلاش.... مليون من يفهم فيها.... معمرة و بتتحمل الظروف القاسية..... و مش حساسة زي النيسان و التويوتا... و اللي ليهم معاملة خاصة جدا من ناحية الصيانة..... و تليها الايسوزو علطول..... لأن فعليا هما الاتنين واحد بس فرق في التجميع .... الكلام من ناحية العملية و قوة التحمل.... النيسان ناعمة و صوت موتورها يكاد يقارب نعومة صوت موتور البنزين.... بس مش بتتحمل الأحمال الكبيرة.... و المقصود هنا بالأحمال الكبيرة... أننا هنا في مصر العربية اللي بتشيل طن و نص... بنشيلها 2 طن و أكتر.... لكن طبعا لو اتحملت بحمولتها العادية و اتعملها صيانتها الدورية بمواعيدها.... هتفضل بحالة ممتازة..... التويوتا.... هي الملكة المتوجة بلا منازع....... عربية ناعمة جدا..... معمرة جدا جدا.... و عايز أقول أن التويوتا بيكون فيها مميزات أكتر من اللي مكتوبة في كتالوجها بكتير .... :) يعيبها أنها لو متصانتش..... هتكون أسوأ عربية في المقارنة ديه كلها.... يعني باختصار... الدبابة.... تتحمل اهمال.... و تشتغل شغل حمير و في الاخر تتصان بمصاريف قليلة الايسوزو شرحها..... النيسان متتحملش كتير و لازم تتصان في المواعيد.... التويوتا تتحمل أكتر من كل دول كتحميل و كشغل في أقسى الظروف بس لازم تديها على أد ما بتاخد منها :) |
رد: مقارنة بين جميع أنواع سيارت الربع نقل (بيك أب ) فى مصر
المقارنة السابقة 99.9 % صحيحة
انا كنت بستعمل عربيتين فى نفس الظروف و نفس الصيانة فى نفس الوقت ... واحدة دبابة و التانية تويوتا بعد سنة بالظبط من الاستخدام .. الدبابة بان عليها التعب .. التويوتا زى ما هى الغريب ان الفرق بين الاتنين فى السعر مش كتير .. حوالى 20 الف جنيه لو انا حشترى عربية ربع نقل و اديها لسواق يسوقها ... حجيب دبابة لو انا الى حركبها يبقى اجيب التويوتا و خاصة ان التويوتا صوتها اقل بكتير من الدبابة |
رد: مقارنة بين جميع أنواع سيارت الربع نقل (بيك أب ) فى مصر
شكرا أستاذ Mina & ahmed_eng2001
على معلوماتكم وتفاعلكم وفى أنتظار تفاعل باقى الأعضاء وبالخصوص السيارات الصينى |
رد: مقارنة بين جميع أنواع سيارت الربع نقل (بيك أب ) فى مصر
بسم الله الرحمن الرحيم من وجه نظري ومن واقع تجربتي لافضل من حيث الكماليات والنعومه وقوة التحمل 1/ايسوزو دي ماكس نمره واحدROSE4U:fun_36_3_1[1]: 2/تويوتا ونيسان :fun_36_3_1[1]: 3/شفروليه الدبابه منصور (الشكل الجديد)ايه ياترى 4/السيارت الصيني( موتور ايسوزو تكنولوجيا التسيعات وشاسيه زباله):12F099~16: |
| الساعة الآن 02:05 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017