مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   جمارك السيارات (https://www.masrmotors.com/vb/forumdisplay.php?f=140)
-   -   عايز تفك الحظر ... فى ثوانى ... تعالى وانا اقولك . (https://www.masrmotors.com/vb/showthread.php?t=98900)

emadgoda 28-09-2012 08:19 PM

عايز تفك الحظر ... فى ثوانى ... تعالى وانا اقولك .
 
السلام عليكم ورحمة الله وبركاته

كتير مننا بيكون محتار يعمل ايه علشان يفك الحظر ويسأل هنا وهنا ويتلغبط وفى الاخر يبقى مش عارف هو هيعمل ايه .
انا بقولك اطمئن وان شاء الله مقضية .
ودى ببساطة اجراءات فك الحظر لكى يستفيد منها الجميع .. ان شاء الله

اولا الاوراق المطلوبة

1 - شهادة بيانات للسيارة
2 - الرخصتين ( المعاق + السيارة )
3 - السيارة
4 - المعاق ( صاحب السيارة )
5 - صورة من الافراج الجمركى للسيارة

وطبعاا ما تنساش تصور المستندات على قد ما ربنا يقدرك ... وبعدين اقولك تعمل ايه

************
ثانيا

تصحى الصبح بدرى وتروح رايح على مبنى مصلحة الجمارك بشارع يوسف عباس بمدينة نصرونصيحة منى ابعد عن يوم الخميس , والجمعة والسبت اجازة طبعااا
....
...
...
وصلت مصلحة الجمارك ..... حمدالله على السلامة
دور على اتنين بالأسم الاستاذ ممدوح . او الاستاذ عزت .... وللعلم دو الاتنين المختصين بالمطابقة للسيارة والصراحة الاتنين زى السكر ومعاملتهم سلسة بدون تعقيدات الروتين واهم ميزة فيهم انهم ما بيدققوش على وجود الجهاز بالسيارة
وغالبا هتلاقيهم اول باب يمين بعد ما تمر من البوابة الرئيسية

************

بس يا سيدى هتصور له كام ورقة وبعدين تدفع 73 جنيه على الخزنة وتجيبله الايصال وبعدين يروح ياخد معاك البصمة للعربية ويمضى المعاق .... والف مبروك فك الحظر
وهيبعتوا الجواب على المرور بتاع السيارة فى خلال اسبوعين

نصيحة هامة.
اوعى تروح او تهوب ناحية مصلحة الجمارك بالعربية وانتى لسه ما خلصتش الخمس سنين .لأن حوالين المصلحة بيكون فى ضباط وامناء شرطة من مباحث المرور فى زى ملكى وبيستنوا العربيات اللى زى كده ورايحه المصلحة ويقفشوها . انما لو خلصت الخمس سنين جمد قلبك وما يهمكش وربنا يستره ..

واى خدمة ... اخوكم عماد

Marlborooo 29-09-2012 05:26 AM

رد: عايز تفك الحظر ... فى ثوانى ... تعالى وانا اقولك .
 
يا عم انت قصدك علي فك الحظر بعد (( الخمس سنين ))
انا افتكرت ليها صرفة قبل كده وقاعد اقرا الموضوع وتابع عشان اعرف فين الثغرة لقيتك كاتب في الاخر بعد مدة الحظر هههههههههههههههههههه:smil eW4:

حبيب الناس 29-09-2012 11:59 AM

رد: عايز تفك الحظر ... فى ثوانى ... تعالى وانا اقولك .
 
ابو الشوق كاديلك
:fun_rofl: :286:

الباشاaa 29-09-2012 02:44 PM

رد: عايز تفك الحظر ... فى ثوانى ... تعالى وانا اقولك .
 
:fun_36_3_11[1]::fun_36_3_11[1]::fun_36_3_11[1]::fun_36_3_11[1]:متشكر

ezzat2002mo 29-09-2012 05:01 PM

رد: عايز تفك الحظر ... فى ثوانى ... تعالى وانا اقولك .
 
:286::286::286::286::1401 09~347:


الساعة الآن 12:35 PM.

Powered by vBulletin® Copyright ©2000 - 2019, Jelsoft Enterprises Ltd.
www.MasrMotors.com ™ Copyright ©2008 - 2019
Egyptian Automotive Community
جميع الحقوق محفوظة - مصرموتورز 2008 - 2017