مقابلة مصر موتورز الثانية بالكويت بالصور
تمت امس المقابلة الثانية لأعضاء المنتدى بالكويت الحمد لله على خير
و فى المقابلة المرة دى الحمد لله كنا 3 أعضاء يعنى زدنا عضو عن المرة اللى فاتت و العضو الجديد هو الاستاذ حمدى و بجد اتشرفت جدا و اتبسط جدا انى قابلته و اتعرفت عليه و بجد معرفة الناس كنوز و هو طبعا مثال للاحترام و الاخلاق العالية و بجد من الناس اللى تتمنى انهم يكونو اصدقاءك.. زى جميع اصدقائى و اخوانى اعضاء المنتدى و بدات المقابلة الساعة 8 مساءا و اتقابلنا انا و استاذ حمدى فى كافيه هارد روك على الخليج فى السالمية و قعدنا اتكلمنا فى حاجات كتير جدا عن العربيات و غيرها و عن كيفية انضمامنا لمصر موتوز حتى وصل العضو الثالث الاستاذ شريف و اتأخر شوية لأنه كان مع صديق بيشوفوا معرض العقار المصرى اللى اسعاره نكدتهم قبل ما ييجى :) المهم كملت اللمة الحلوة و فضلنا برده فى المقابلة لحد الساعة 12 باليل و اتصورنا و بعدين كل واحد على بيته مع وعد باللقاء القريب و الخروج فى جولات مكوكية عن السيارات تفيد اعضاء المنتدى الكرام و إليكم الصور الثلاث وحوش .. كابريس و لانسر و كايين و يبدو فى الخلفية هارد روك كافيه http://up.up-images.com//uploads6/im...4f293740f2.jpg الكافيه مكان التجمع http://up.up-images.com//uploads6/im...834085ac24.jpg العبد لله مع الاستاذ حمدى http://up.up-images.com//uploads6/im...d2a7c41b35.jpg العبد لله مع الاستاذ شريف http://up.up-images.com//uploads6/im...79eb1e6aa1.jpg الاستاذ حمدى و الاستاذ شريف http://up.up-images.com//uploads6/im...a36d546f75.jpg انا و الاستاذ حمدى مرة ثانية فى مدخل الكافيه http://up.up-images.com//uploads6/im...9cfdfacc7e.jpg انا و الاستاذ شريف فى مدخل الكافيه http://up.up-images.com//uploads6/im...3386c5e3a0.jpg احنا الثلاثة سكر نباته :) http://up.up-images.com//uploads6/im...112b06f5fb.jpg احنا الثلاثة تانى و لكن داخل الكافيه و تبدو السيارة الحقيقية المعلقة فى السقف بدلا من النجفة فى الخلفية ... علقوها ازاى دى ؟؟؟؟ http://up.up-images.com//uploads6/im...b73fd07f07.jpg انا و الاستاذ حمدى مع السيارات http://up.up-images.com//uploads6/im...86340a06cf.jpg انا و الاستاذ شريف مع السيارات http://up.up-images.com//uploads6/im...cfb26dc345.jpg و طبعلا هتلاحظوا ان الصور اللى انا مش فيها قليلة جدا و ده نظرا ان انا مابعرفش اصور :) علشان صورى دايما بتطلع مهزوزة .. ربنا يستر :) و هى دى كانت المقابلة و ان شاء الله المقابلات الجاية يكون عدد الاعضاء اكتر و نتشرف بالتعرف على ناس محترمة اكتر و يا رب نشوف اعضاء المنتدى جميعا على خير يا رب |
رد: مقابلة مصر موتورز الثانية بالكويت بالصور
شكر يا كيمو علي التغطية الحلوة دي
انا كمان و الله اتشرفت بمعرفة استاذ حمدي جدا و عقبال ما نقابل و نتعرف شخصيا علي باقي الاعضاء سواء اللي في الكويت او مصر. المقابلة كانت حلوة فعلا و انا اسف مرة تانية اني اتاخرت و اني كنت متنشن لكن هو ده كان الباب اللي فتحنا منه الموضوع الكبييييير اللي كان مسيطر علي القعدة و اللي قدرنا منه نتعرف علي بعض اكتر. و طبعا نهينا اليوم انا و انت بشوية جري حلوين علي الخليج ان شاء الله هيكون لينا لقاءات تانية و يكون فيها عدد اكبر من الاعضاء و بفكر نبقي نخليها الصبح او بعد الظهر عشان الصور و ناخد راحتنا اكتر ده خصوصا ان الشتا داخل و الجو بيتحسن. ده طبعا غير مشوار البانيميرا بس هي تنزل |
رد: مقابلة مصر موتورز الثانية بالكويت بالصور
متجميع دائما في الخير يارب
وشكلها كانت مقابله ظريفه وعقبال ما نشوفكم في مصر ان شاء الله :HAPPY_~211: |
رد: مقابلة مصر موتورز الثانية بالكويت بالصور
اقتباس:
ربنا يخليك يا سعادة الباشا و فى انتظار نزول البانيميرا ان شاء الله و على فكرة فيه معرض عقار بداية من النهاردة فى فندق ريجنسى تقريبا .. لو تحبوا تروحو تشوفو الاسعار تانى :) و يا رب الشتا يدخل بقى :) اقتباس:
|
رد: مقابلة مصر موتورز الثانية بالكويت بالصور
منورين يا شباب فى الصور ماشاء الله ptmnlo123per122
الحمد لله انكم اتجمعتم على خير وقبال المقابله رقم 100 وعقبال لما نشوفكم فى مصر بس مقولتوش يا جماعة استاذ حمدى عضويته اسمها ايه فى المنتدى ؟؟ |
الساعة الآن 06:06 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017