مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- التعديلات الشكلية (https://www.masrmotors.com/vb/forumdisplay.php?f=127)

- - تعديل الشاهين (https://www.masrmotors.com/vb/showthread.php?t=33098)

تعديل الشاهين - هاااااااااااااااااااااااا ااااااااااااااااااااااااا اااام لاصحاب المعرفة

السلام عليكم
انا اولا من اسكندرية
معايا شاهين مو 2001 دهبى
بالنسبة للاكسدلمات انا عايز اغيرها زى اللى فى صورة الشاهين دى
ياترى ممنوع ولا لا؟
ولو مش ممنوع يتكلف كام ومنين؟
تانى حاجة بالنسبة برضه للكبوت عايز اغيره واخليه زى اللى فى الهيونداى دى
وبرضه ممنوع ولا لا؟
ولو مش ممنوع تكلفته كام ومنين؟
وشكرا

رد: هاااااااااااااااااااااااا ااااااااااااااااااااااااا اااام لاصحاب المعرفة

ايه ياجماعة محدش عايز يفيدنى ولا ايه؟

رد: هاااااااااااااااااااااااا ااااااااااااااااااااااااا اااام لاصحاب المعرفة

عامة أى زوايد أو تعديل على شكل العربية الأصلى ممنوع, بس كبر الجى ولايهمك عادى ماكل الناس مظبطة.

المكان هيبقى الحرفيين عند أى سمكرى أو بتاع فيبر كويس, وبما أن الأكصدام الأصلى ماينفعش يتعدل كده, هتضطر تجيب أكصدام أمامى وخلفى متعدل جاهزوشكله مشابه للى فوق, والأكصدام الواحد هيعمل 500 بالميت.

الكبوت ينفع طبعا يتعمل عند أى سمكرى كويس, هيقص فتحة ويركب مكانها بلكسى جلاس, بس معتقدش شكله هيليق على الشاهين ولا على موتورها, وياريت تشترى كبوت أستيراد أو مستعمل تعمل فيه الحوار ده علشان لو حصل أى حاجة يبقى معاك الكبوت الأصلى, والموضوع هيتكلف حوالى 400 جنيه سمكرة ورش وبلكسى جلاس (ده أسمه تقريبا).

وبالتوفيق.

رد: هاااااااااااااااااااااااا ااااااااااااااااااااااااا اااام لاصحاب المعرفة

اقتباس:

المشاركة الأصلية كتبت بواسطة Injection (المشاركة 230373)

ميرسى بجد لمرورك
يعنى الاكسدامات دى ممنوعة كدة؟
طب لو رشيتها نفس لون العربية حيفضل اللون ثابت ولا حيبهت بعد فترة
وبالنسبة للكبوت انا مش شرط اعمل الجزء الشفاف دة
بس لو نفس التصميم كدة او احسن يبقى ممنوع برضه؟
وهل من الممكن انى اثبت التعديل دة فى رخصة العربية ولا مينفعش؟
وشكرا ليك مرة تانية

رد: تعديل الشاهين - هاااااااااااااااااااااااا ااااااااااااااااااااااااا اااام لاصحاب المعرفة

أى تعديل ممنوع حتى لو أستيكر أو نواكل, بس محدش بيتكلم الا فى اللجان لو عايز يلم فلوس وخلاص وده نادر, أو فى الفحص وبيتلكك وعلى 50 جنيه الموضوع بيخلص.

اللون ثباته بيعتمد على عدة عوامل, مهارة الصنايعى ونوع البوية المستخدمة وعدد الوشوش اللى الأكصدام هياخدها, ومتخفش حتى لو رشها بأسبراى اللون مش هيطلع بسهولة.

والتعديل ماينفعش يتثبت فى الرخصة خالص.

ومتخفش محدش بيدقق غير اللى أنا قولته فوق, والعربيات المعدلة مالية الشوارع, والكبوت عادى مافيهاش حاجة.