|
ماروتى ولا فيات 128
السادة الخبراء الاعزاء .. السلام عليكم انا عملت مشاركة فى منتدى زميل للمنتدى دة .. لانى بجمع معلومات وح اعمل مشاركة هنا لنفس الموضوع .. . ارجو الاهتمام
... انا من مدة عمال اتابع اغلب المنتديات وبعد كدة سجلت نفسى علشان انا ح ابقى مالك سيارة .. وبتابع كل المنتديات ( لكل نوع عربية يعنى ) لانى عايز اشترى عربية .. بصوا دى اول عربية وانا بسوق خفيف .. وقلقان اجيب عربية غالية تتبهدل منى .. رأيكوا اية .. اجيب فيات 128 ولا ح تتعبنى عند الميكانيكية .. وطبعا انا مش عايز تغلبنى وكل يوم انزل اشترى قطعة غيار والميكانيكى يعذبنى والعربية تشغلنى عندها ..... مش عندى صبر .. ياريت حد ينصحنى من الخبراء .. الخلاصة دى اول عربية يعنى عايز عربية اتعلم فيها ومش تتعبنى وبعد سنة او اتنين ابيعها واجيب بأة عربية العمر تكمل معايا ( 10 - 15 ) سنة ( لو فية عمر ) ... المبلغ اللى معايا حوالى 20 الف وممكن نزودهم شوية ... والبعض نصحنى بالماروتى ... رأيكوا اية .... وشكرا لكل السادة الخبراء اصحاب التجربة .. واسأل مجرب ولا تسألش طبيب ....وميرسى ... مهندس احمد :23_10_13: |
رد: ماروتى ولا فيات 128
بص هى ال 128 كويسه لو كانت حالتها نظيفة
لكن رأيي تزود على اللى معاك تجيب ماروتى تون حالتها كويسه |
رد: ماروتى ولا فيات 128
طبعا الماروتى افضل من 128 لان احدث و مشاكلها اقل لكن لو حضرتك لسة مبتدئ مانصحكش تبدأ بالماروتى لانها ضعيفة و مش حتستحمل خبطات ممكن تبدأ ب 128 او 127 تتعلم عليهم كويس و بعد كدة تبيعها و تشترى ماروتى
|
رد: ماروتى ولا فيات 128
ميرسى لحضراتكم على النصيحة ... وعلى فكرة انا لسة بدور ... ومشكلتى انى مش عايز حاجة تتعبنى علشان كدة قلق .. ومترقب ان ربنا يرزقنى بالخير .. والله المستعان .. شكرا
|
| الساعة الآن 03:33 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017