سنتر لوك و انذار للماروتى حبيبتى
 

النهاردة لفيت التوفيقية على سنتر لوك و انذار و جمعت اسعار و لقيت افضلهم محل على شارع رمسيس اسمه بطاح و جيبت الاثنين بمبلغ 187 جنية فقط و ده ارخص سعر
و فاضل التركيب
قالولى فى المحل ركبهم عند احمد كباظه كهربائى بجوار السينما و قدامه عربيات كثير من انواع قديمة جدا
و سالت عنده قالولى ب70 جنية لانها بتاخد شغل كثير جدا
ايه رائيكم اركبهم فين عندة و لا عند كهربائى تانى
على فكرة معاهم 2 ريموت
و كان نفسى فى نوع تانى اجيبه بس كان الانذار بس ب300 جنية و قاللى احنا جملة و دة سعر جملة و ما بنبيعش قطاعى خالص و كان مدى الريموت 500 متر يعنى نصف كيلومتر

رد: سنتر لوك و انذار للماروتى حبيبتى
 

الف مبروك يا باشا علي السنتر والانزار الجديد
انا لما اشتريتهم من التوفيقيه كان فيه واحد اسمه اسامه واقف في الشارع ركبهملي وانت اشتريت السنتر والانزار بالتركيب ب 250 جنيه وبضمان سنه
وبعدها بشهرين اللانزار اتحرق رحت لاسامه تاني فك الانزار وركبلي واحد جديد وكان فيه قربتين بيعلقو فكهم وركب غيرهم ومشيت مدفعاش شلن
والحمد لله اهم لحد النهارده شغلين زي الفل
انت شوف كهربائي ثقه وروح عنده لانه بيفك الابع ابواب وبيركب جواهم ارب علشان السنتر لوك وبيفك الدفيره من تحت التبلوه علشان يركب الانزار وخليه يوصلهولك كما قال الكتاب يعني يوصله مع مفتاح الكونتك ومع الفرامل علشان لما تمشي بالعربيه وتدوس فرامل العربيه تقفل الابواب لوحده ولما تبطل العربيه تفتح الابواب لوحدها
ده فيه نوع سمعت عنه عامل زي بتاع العربيات الحديثه لما تفتح العربيه بينور نور الصالون وينور النور الواطي بتاع الكضافات الاماميه وده مفيد لما بتكون راكن بي باركنج كبير وبتدور علي عربيتك عهلشان تلقاها بكل سهوله
او راكن في حته ضلمه لم تفتح العربيه تكون منوره وشايف كل حاجه

علي العموم الف مبروك تاني وربنا يديك خيرها ويكفيك شرها

رد: سنتر لوك و انذار للماروتى حبيبتى
 

يعني بالتركيب هتدخل ف 260 و جنيه غير لو واحد واقف معاه و قالك الشاي
انا لما جيت اركب فكرت اعمل زيك كده برده و قلت هوفر 30 جنيه
بس قررت اركبه ف التكيل بتاع الانزار ع اساس انه انضف شغل و تركيب و لو حصل حاجه خروحلهم ع طول
هوا كلفني بالتركيب 300 جنيه بس الشغل فعلا ممتاز جدا جدا جدا و مفيش سلك متساب كده و لا مش معزول و الفرش زي ما اتفك رجع تاني ومتركب زي الكتالوج بالظبط جميع خواصه شغاله تمام و ناس فاهمه شغلها اللي هوا اتوماتيك عارف السلك ده جاي منين و رايح ع فين
ف فعلا اي حد لسه هيشتري و يركب يروح ع التوكيل ع طول خدمه ممتازه

رد: سنتر لوك و انذار للماروتى حبيبتى
 

السلام عليكم ورحمة الله وبركاته
هو حضرتك ركبت في التوكيل اللي فين لاني عايزة اركب انذار وسنتر لوك بس طبعا مش هعرف اروح التوفيقية والا الاقي كهربائي فالتوكيل اكيد افضل بالنسبة لي

رد: سنتر لوك و انذار للماروتى حبيبتى