مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- Hyundai Matrix - ماتريكس (https://www.masrmotors.com/vb/forumdisplay.php?f=135)

- - الماتركس بتسخن (https://www.masrmotors.com/vb/showthread.php?t=24342)

الماتركس بتسخن

اخواني انا لسة جايب ماتركس 2007 وكانت كويسة في اليومين الي فاتو والجو برد لاكن وانا مسافر في جو حر ومع التكيف كل ماجي ادوس واشد بالعربية الاحظ ارتفاع مؤشر الحرارة للتلت الاخير قبل العلامة الحمرا بكام شرطة اخف رجلي تنزل الحرارة اطفي التكيف ترجع الحرارة علي النص زي ماهوة مفروض علي حد علمي وللعلم ان المية خضرا ومش بتنقص رحت لميكانيكي قلي دة ترومستات الكوعة بيعلق وعاوز يشيلو رحت لكهربائي راجع المروحة علي سرعاتها لاقاها شغالة تمام علي سرعتين واتكيف مروحتو شغالة عادي انا كان معاية لانوس فيها مروحتين واحدة للماتور وواحدة للتكيف ومش عارف دة السبب ولا ا ترموستات الكوعة هوة السبب ياريت الي عندو فكرة ياريت يفدني وجزاكم اللة خيرا:waving:

رد: الماتركس بتسخن

غالبا هى ثرموستات الكوعة زى ما قال الميكانيكى بس بلاش يشيلها خالص المفروض تتغير احسن ( رخيصة ) لان شيلها خالص حيخلى العربية تاخد وقت فى التسخين الصبح و حيخليها تبرد اكثر من اللازم على الطرق السريعة بالتالى استهلاك البنزين حيزيد و زيت الماتور مشحيشتغل بالكفائة المطلوبة لان الماتور مصمم انه يشتغل فى مدى حرارى معين المفروض و لا يزيد و لا ينقص

رد: الماتركس بتسخن

شاكر ليك اهتمامك ا/ احمد طب ممكن اشلها وابقي اركبها في الشتاء لاني كل شغلي سفر في الصعيد والاجواء هناك نار بجد

رد: الماتركس بتسخن

لو هي المشكله في ترموستات الكوعه يبقى تغيرها احسن وبلاش تشيلها و ترجعها طالما هي بايظه علشان ميأثرش على حاجه تانيه
انا معايا برضو 2007 والحراره صيف شتا دايما ثابته عند نص المؤشر
فواضح ان العربيه متظبطه انها تحافظ على درجه حراره معينه في مختلف الظروف
والحراره المنخفضه برضو مش صح للعربيه
وموضوع السفر و حراره الجو العاليه مش سبب انك تشيلها ... بالعكس ده كده تهتم اكتر انك تظبط العربيه صح علشان تشتغل معاك صح في كل الظروف
وبالتوفيق ان شاء الله

رد: الماتركس بتسخن

ممكن يكون فيه خلل في دورة التبريد ،،

و مبيظهرشي غير علي السرعات العالية