سيارتي الافيو 2014 اتوماتيك بعد 500 كيلو (تقرير)
 

الحمد لله استلمت الافيو ورخصت وعملت شوية مشاوير بالعربية واغلبها علي الطرق السريعة لاني ساكن علي الصحراوي

1 - العربية مريحة متحسش انك تعبان وانت سايق
2 - النقلات ناعمة جدا متحستش انها نقلت الغيار الا لو انت بتبص علي عداد عدد لفات الموتور ودايما النقلات عند 2500 لفة
3 - التكييف ممتاز رغم اني مشغلتوش اكتر من الدرجة الاولي عشان ميسقعش جامد انما ادائة جميل
4 - العفشة كويسة محستش بالمطبات ( طبعا كنت باخد المطبات علي اقل سرعه )
5 - درجة الحرارة دايما ثابتة علي اقل من النص بحاجة بسيطة
6 - الكاسيت صوتة حلو ومدخل الصوت AUX شغال كويس غير ما كان بعض الاعضاء بيشتكوا انه مش مدخل وبيقولوا انة مخرج وبيشغل اسطوانات MP3 كويس وتوليف الراديو كويس جدا عشان الاريال في الزجاج الخلفي مع شبكة التسخين

لسة مجربتش الانوار علي الطريق لاني مسوقتش بالليل فمش عارف قوتها اية

كل السواقة كنت لوحدي في العربية فمعرفش تعليقات اللي هيقعدوا في الكنبة الخلفية اية ورايهم عن اتساع العربية من ورا وكمان معرفش ادائها هيكون اية وهيا محملة

وباذن الله هاعمل تقرير عن مراحل ترخيص السياره جديدة عشان انا اللي رخصت لنفسي ومكنش معايا مندوب

بالنسبة للكتالوج انا انتهيت من سحب نص الكتالوج اسكانر وباذن الله هنزلوا اول ما اكملوا سحب

رد: سيارتي الافيو 2014 اتوماتيك بعد 500 كيلو (تقرير)
 

ربنا يبارك لك فيها

رد: سيارتي الافيو 2014 اتوماتيك بعد 500 كيلو (تقرير)
 

الف مبروك وربنا يباركلك فيها

رد: سيارتي الافيو 2014 اتوماتيك بعد 500 كيلو (تقرير)
 

رد: سيارتي الافيو 2014 اتوماتيك بعد 500 كيلو (تقرير)