|
استفسار هام عن النترا 2014
السلام عليكم ورحمه الله وبركاته
اولا احب انقل لكم تجربتى البسيطه لسيارتى الانترا 2014 اشتريت السياره من حوالى 4 شهور تقريبا ومن اول ما اشتريتها وانا اشتكى دائما من الكاوتش السىء جداا وان شاء الله هغيره بس لما نحلل ثمنها شويه ثانيا السياره بسم الله مشاء الله شكل روعه تسارع هايل كمليات ممتازه واهم ما ظهر لى من التجربه للفتره البسيطه دى ان ثبات السياره بعد 160 ربنا يستر وصوت الماكينه مسموع بالداخل تعويم خلفى والغريبه انه على السرعات البسيطه. احب استفسر عن حاجه مهمه جداا من اخوانى الاعزاء ظهر لى مشكله بالفرامل وهيا ان السياره بتحدف شمال مع الفرامل المفاجأه وقولتلهم فى التوكيل وقالوا انهم عملوه ولكن للاسف ذى ماهى وانا اخدت قرار انى مش هروح التوكيل تانى لان فى موضوع نصب هناك وهقولكم عليه فى موضوع تانى ارجوا من خبراء المنتدى الكريم يفدونى فى موضوع الفرامل دا لان بجد حصل معايا كام موقف ولكن الله ستر ملحوظه : السياره اول فئه اوتوماتيك بدون abs واسف للاطاله |
رد: استفسار هام عن النترا 2014
اولا مبروك العربية وربنا يديك خيرها ويكفيك شرها
انا معايا العربية موديل 2015 وان شاء الله اقدر افيدك اولا بالنسبة للتعويم هي العربية مش بتعوم ولا حاجه كل الحكاية ان العربية عالية والعفشة ناعمة من ورا فهي بتميل كجسم يمين وشمال ولكن كعفشة متماسكة على الارض وانا الحمد لله سافرت بيها واختبرتها لحد سرعه 180 على طريق بورسعيد القاهرة وكانت ما شاء الله صحيح ان احساس حركة الشنطة موجود ولكن هى واقعيا ثابته ومتماسكه جدا بالنسبة لموضوع الفرامل انا كانت العربية عندى بتزحف جدا فى الفرامل ولكن مع صيانه الالف هما رجلشور الفرامل من نفسهم وما شاء الله الفرامل بقت اقوى وحساسه جدا ومفيش زحف تماما والحمد لله فأكيد العربية محتاجه ظبط عند حضرتك وان شاء الله حاجه بسيطة بس نصيحتى بلاش العبور لأنهم بيقلبوا جدا |
رد: استفسار هام عن النترا 2014
لا هى العربيه مش بتعوم ولا حاجه العربيه عريضه علي الطريق وثابته بس خلي بالك الطاره اى لمسه ليها بتخلي العربيه تلعب كمان هى خفيفه
لو الموضوع ده مضايقك وانت بتسافر كتير ركب جنوط عريض هيفرق معاك جدا |
رد: استفسار هام عن النترا 2014
المفروض تغير الكاوتش علشان هوا اللى بيخلى العربيه تلعب من ورا
ومشكلة الحدفه غالبا بتكون خرط الطنابير الامامى |
| الساعة الآن 08:19 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017