رد: مقارنة شركات التامين فى مصر
"معدل سعر الدمغة : من 6 الى 7 % من قيمة القسط وليس قيمة السيارة
يعنى لو معدل القسط 3.5 % والدمغة 6 % ثمن السيارة 50000 جنيه القسط = 3.5 % X 50000 = 1750 الدمغة = 6 % X 1750 = 105 القسط شامل المصاريف = 1855 وهوة ما يجب سداده " يعني 1855 دول قيمه التأمين السنويه بس لو العربيه ب 50000 طيب و خلاصه الكلام ايه افضل شركه للتأمين :) |
رد: مقارنة شركات التامين فى مصر
لدى أستفسار عن شركة مصر للتأمين
أنا عملت وثيقة تأمين شامل من حوالى اربع شهور وعملت حادثة بالعربيه والمهندس عاين العربيه وقدرها أهلاك كامل , عايزه اعرف المفروض التعويض يتحسب ازاى لانهم قالولى انهم هيخصموا 10% من القيمة السوقيه للسياره وقالولى ان العربيه بينزل من ثمنها 10000 جنية بعد تركيب النمر حتى لو مر عليها شهر واحد (مش عارفه على اى اساس ) مع العلم ان العربيه لسه معدتش الأف كيلو. |
, about suez canal insurance co. u r right for ur all information
فى حاجه اسمها نسبه استهلاك بتكون من 5 - 10 % من تقدير العربيه فى الوثيقه مش من القيمه السوقيه دلوقتى علشان ممكن تكون قلت فى السوق . بس نصيحه اخويه منى ليك لو العربيه تقدر تصلحها اطلب الحطام + نص مبلغ التامين يعنى لو العربيه ينفع تتصلح خدها وهتاخد من الشركة نص مبلغ التامين وده موجود فى الشركة وممكن تتطلبه فى حاله الهلاك الكلى . شكراا انا من شركة قناه السويس وده اوبشن موجود عندنا فى التعويض فى حاله الهلاك الكلى . |
رد: مقارنة شركات التامين فى مصر
:14369D~149:شكرا علي المعلومات القيمة
بس عندي استفسار بخصوص احتساب نسبة الاستهلاك هل تختلف نسب الاستهلاك علي قطع الغيار بمعني قطع لميكانيكا بنسبة و التكييف نسبة و الصاج نسبة والا نسبة واحدة؟؟؟؟؟ هل يتم الاعتماد علي خبراء هيئة الرقابة علي التأمين لتقييم قيمة تلفيات السيارة ومتي يتم ذلك وهل هذا في مصلحة الشركة ام مصلحة العميل ارجو الرد وجزاكم الله خيرا:14369D~149: |
رد: مقارنه بين شركات التأمين التكافلى فى مصر (رجاء المشاركه من كل من لديهم تجربه شخصيه)
اقتباس:
أنا عندي عربية سايبا برايد موديل 2009 اشتريتها في 5/2010 وأمنت لدي شركة وثاق للتأمين التكافلي مع خدمة تغطية الونش وعملت حادث في 11/2010 وكانت الاصلاحات عبارة كبوت وسربنتينة و اصلاح قاعدة الرادياتير و تغيير الفوانيس الامامية و الشبكة واستعدال الشنب وكنت بصلح في مركز خدمة تابع للتوكيل وصلحت علي حسابي ودفعت حوالي 3400 جم ثمن قطع الغيار و المصنعيات وقدمت الفواتير وعند استلام التعويض خصم حوالي 1000 جنية وعند الاستفسار عن هذا المبلغ تم الحساب كما يلي قطع الغيار 1755 قطع غيار (كبوت - سربنتينة - شبكة) ناقص 131جم هي 10% توكيل ناقص 88 جم هي 5 % مستنقذ (التالف) ناقص 359 جم استهلاك (لا اعرف كيف يتم احتسابها ) يكون الاجمالي لقطع الغيار / 1177جم أما المصنعيات اجمالي المصنعيات 1300 جم ناقص 130جم 10 % توكيل واضاف 100جم ضريبة مبيعات دفعتها علي فاتورة الاصلاح ليصبح الاجمالي 1270جم ليكون المبلغ الكلي = 1177 +1270= 2447 وخصم حاجة اسمها ملحق تعديل لوحات 27 جم معرفتش يعني ايه يعني مبلغ الشيك اصبح 2420 جم والشيك صدر بعد تقديم الفواتير بعد ثلاثة اسابيع وهذه تجربتي للاستفادة منها |
رد: مقارنة شركات التامين فى مصر
:crazyW14:انا سيارتى 2010امنت 120الف جنيه عملت حادثه دخلت تكهين والتامين شامل يا ترى انا هيصرفولى اد ايه فلوس من حق العربيه
[ |
رد: مقارنة شركات التامين فى مصر
- المصريه للتأمين التكافلي
الانطباع العام عند زيارة الشركه: للأسف لم اقم بزيارة الشركه (عن تجربة بعد حادث : سيئة جدا جدا من حيث التعامل ولا تستطيع الحصول كامل حقوقك بل يتم التلاعب بك ومحاولة النصب عليك : ولا انصح بها فى اى تعامل على الاطلاق) 1- السعر: 3% بدون اى تحملات (ولا حتى ال 10 % اصلاح توكيل خلال اول عام فقط) _ المعلومة كليا خطأ (التأمين 3.5 % وبتحمل وصل معى الى حوالى 25% حسبى والله ونعم الوكيل وفى اول سنة ) 2- بدفع اولا ثم اقوم بحساب الشركه: نعم (ماشى) 3- مدة اصدار الشيك بعد استيفاء الورق المطلوب: 3 اسابيع الى شهر - بالنسبة لمواعيدهم ضايعه مثلا (مضى 3 اسابيع قبل الرد على المقايسة وجاء الرد الفاشل --- ندفعلك 27 الف وتصلح انته الباقى ازاى دى مقايسة التوكيل 43 الف -- خلاص نخرد العربية ونديك 80 الف -- ثمانين من 107 الف يعنى اخسر 27 الف فى 6 شهور -- ومازالت السيارة فى التوكيل من شهرين فى انتظار الوصول لحل مع هذه الشركة النصابة وربنا يسهلها) 4- هل لديهم مراكز اصلاح معتمده: لا 5- تغطية الخدوش: لا 6- تحمل مع تكرار المطالبه: لا 7- الأصلاح بدون محضر حتى : 5000 - مجربتش 8- بسبة اهلاك اول عام:حوالى 5% - 10 % على الاجزاء الميكانيكيه ( الصح مش من كذا الى كذا هيه نسبة واحده 15 % خبط لزق. 9- تغطية الزجاج و الكاوتش: كامل - هيبان بعدين 10- تغطية الونش: لا 11- خصم ثانى سنه عند عدم المطالبه: لا (التجديد يكون اقل بنسبة 10 % استهلاك لثانى سنه) ( انشاء الله مافيش سنة ثانية معاهم قولو امين) 12- المسئوليه المدنيه: 10000 13- نسبة الهلاك الكلى: 40 % - الاهم بقه عشان الناس تاخد بالها ان وثائق التأمين فى جميع الشركات متعرفش تاخد منها معلومة واضحة وصريحة ومكتوبة عشان تاكل حقوق الناس مش اكتر ولا توجد بها آليه واضحه وارقام واضحة وصريحه لكيفية حساب التعويض او كيفية حساب السعر السوقى للسيارة. واخيرا يارب القوانين الخاصة بالتأمين تتعدل ويبصوا شوية على الناس اللى طالع عنيها ورايح حقها . وشكرا طولت عليكوا |
الساعة الآن 10:12 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017