إعفاء سيارة صغيرة من الجمارك للمصريين بالخارج
 

تبحث. ‬وزارة المالية منح اعفاءات جمركية جديدة للمصريين العاملين بالخارج،. ‬تتضمن إعفاء سيارة صغيرة للأسرة عند عودتها نهائياً. ‬من الخارج،. ‬أو خصم مبلغ. ‬من ثمن السيارة قبل حساب الرسوم الجمركية عليها،. ‬ويتم حالياً. ‬وضع ضوابط الإعفاء لتقتصر علي كل أسرة عائدة من الخارج،. ‬بعد مرور فترة زمنية محددة علي سفرها للخارج.. ‬علي جانب آخر أكد مصدر مسئول. ‬ان د.. ‬سمير رضوان وزير المالية. ‬يبحث حالياً. ‬دراسة زيادة حدود الاعفاء من الرسوم الجمركية الممنوحة للمصريين العائدين من الخارج والبالغة .1500 ‬جنيه،. ‬بالاضافة الي منحهم إعفاء كاملاً. ‬من الرسوم الجمركية علي الاثاث والاجهزة الكهربائية والسلع المعمرة الواردة بغرض الاستخدام الشخصي بعد معاينتها والتأكد من أنها مستعملة،. ‬مع الاكتفاء بتحصيل ضريبة مبيعات فقط علي تلك السلع،. ‬مع وضع ضوابط لمنع تحول الاعفاءات الجديدة إلي طريقة لتسريب السلع المستعملة الي السوق المحلية بغرض الاتجار بها..‬

منقول

رد: إعفاء سيارة صغيرة من الجمارك للمصريين بالخارج
 

رد: إعفاء سيارة صغيرة من الجمارك للمصريين بالخارج
 

هو موضوع اكيد طبعا حلو انه ينزل بعربيه ما تتجمركش
بس انا اهو وانتو اهو لو ده اتنفذ هههههههه ولو اتنفذ يبقا حتلاقيهم يفصلولك القانون الجديد بحيث انه مايركبش غير على انك ياااااادوبك تنزل بتوكتوك والا حاجه عشان يتعفي من الجمرك ،،،
وبعدين انا دمي اتحرق بصراحه من ولاد اللذين دول !!! هو في حد في الدنيا عايش في الخليييييج ،،،،، حينزل بكراكيبه اللي كان جايبها هناااااااك ،،،،،، سواء أجهزه كهربائية او غيره بعد ما استعملها وطلع عينيها !!!!!؟؟؟؟ ،، حيشلها بقا على قلبه ويدفع عليها شحن والا وزن ،، ويجبها يكمل استعمالها هنا ؟؟؟؟؟؟؟؟؟؟؟؟؟!!!!!!!!!!

الحاجات دي حتترمي قبل ما ينزل ويجيب لو حب ، حيجيب جديد طبعا يعني !!!!!!

بصو الحته الجامدة أوي دي ،،

اصلا اجهزه كهربائية كتيره مالهاش جمرك وهي جديده ، حيكون عليها جمرك وهي مستعمله ؟؟!!! بس حتبص حتلاقي اللي منزل حاجات كتير معاه وممكن على تفاهتها بس على الكم حيتحط جمرك ويقولك دي رسوم بسيطه مش جمرك

طب بالذمه بصو الحته الأجمد دي‬ ،،

هههههههههههههههههه ،،، يعني يا حول الله مش حيتسابو في حالهم برضو واتفرج بقا على الضريبه دي حتكون عامله ازاي !!


انا مره سمعتها بوداني ،،، اتنين موظفين جمارك كانو بيفتشو شنط واحد ،، وبعدين واحد ميل براسه على التاني بيقوله ،،، ده ماعندوش حاجه تتجمرك أعمل معاه ايه ده ؟ ،،، قاله ماعندوش ايه يا عم ! دول بياخدو على قلبهم قددددد كددده اكتبله اي حاجه !!!!!!
وساعتها مش فاكر حطله رسوم جمركيه كام بالظبط ،، صحيح ماهياش المبلغ يعني بس اهو فلوس اتدفعت من غير داعي والموضوع ماشي تبع الكيف مش تبع اللوائح،،،

بس عموما بشكل عام موضوع جمرك العربيه ده اقل حاجه تتطبق ومن غير شروط ما اللي عاوز ينزل عربيه ما ينزلها لازم تكون عربيه صغيره يعني !!! واهو ياريت يطبق بردو وخلاص
تحياتي واسف على الاطاله بس حرقت الدم مش أكتر ،،،
MADDRIVE

رد: إعفاء سيارة صغيرة من الجمارك للمصريين بالخارج
 

رد: إعفاء سيارة صغيرة من الجمارك للمصريين بالخارج
 

خبر ممتاز بس هل يتم التنفيذ فعلا لالالالالالالالالالالالا اعتقد لان الحكومة متبعة سياسة مص الدماء مثل الحرامية السابقين (الله يكون في عون المتغربين)ويرجعنا بلدنا بالسلامة