مشكلة دواسة البنزين فى الكليو 2005
 

السلام عليكم ورحمة الله
اشتريت كليو 2005 من حوالى اسبوعين كده من غير ما ارفعها وغلط إنى ما رفعتهاش بصراحه بس قدر الله وما شاء فعل.

أول يوم وانا راجع بيها عملت معايا حركه غريبه.
جبت بيها 140 وبعدين كأنى مش بدوس بنزين العربيه عماله تبطئ سرعتها, استغربت فوقفت جيت أمشى نفس البطئ روحت طفيت ودورت مرتين كده اشتغلت.

كلمت اللى باعهالى قالى ده عيب برمجة البوابه بتاعت البنزببن على اللى قالوههوله فى الحرفيين.
بصراحه انا لا أفهم أى شئ عن العربيات أصلا فكلمت اللى شار عليا بالكليو قالى روح المكان الفلانى, روحت حطوها على الكمبيوتر ظهر العطل وبعدين اختفى واللمبه اللى تحت بتاعت البنزبن من منوره, مش بتاعت البنزين اللى تحتها.

يطفى ويجرب تانى تظهر وتختفى لدرجة إنهم اختلفوا فى المركز على العيب ممكن يكون منين.

عملى اعادة برمجة ومشيت شويه وبردو جبت حوالى 130 ولقيتها عملت الموضوع تانى.

العربيه كليو 1200 2005 16v
عامله 74000 كيلو

كان صاحبها بردو قالى قالى إن فيها مشكله فى الأرضى بتاع الكهربة لما أشغل النور العالى ألاقى الحراره رفعت فوق النص أطفيه تنزل. قالى الكهرابائى قاله محتاج يراجه الكهربا بتاعت العربيه كلها ويشوف الأرضى ملمس فين.

بس بصراحه مش عارف أعمل ايه والعربيه لسه مالحقتش ضيعت فرحتى بيها والله.

الحمد لله على كل حال. أجيبونا بارك الله فيكم اللهم آمين :)

رد: مشكلة دواسة البنزين فى الكليو 2005
 

متقلقش ان شاء الله خير ومعلمين الرينو مش سيبينك لوحدك واكيد حيردو عليك

رد: مشكلة دواسة البنزين فى الكليو 2005
 

السلام عليكم
مشكلتك 80%في حساس البوابة
انت ما قولتش هما عملولك اية في التوكيل بلظبط
هل غيرولك حاجة ولابرمجة بس
وياريت صورة للمبة الي منورة عندك
متابع

رد: مشكلة دواسة البنزين فى الكليو 2005
 

الرجاء التوجه لمركزصيانة معتمد غالى شوية بس معلش اول مرة عشان تحط ايدك عالجرح والعربية تظبط معاك بعد كده اعرفلك صنايعى كويس تمشى معاه وان شاء الله هتظبط فى العربية هيا نصيب وهتلاقى حد كان باصص لك فى العربية دة:thnkr:
ان شاع الله اموضوع كلة برمجة كومبيوتر وموضوع شورتات الكهربا بيتعمل بسهولة بس حد فاهم رينو الرجاء تطمنا عملت ايه

رد: مشكلة دواسة البنزين فى الكليو 2005
 

ربنا يكرمكم على الرد اللهم آمين
أولا شكرا لكل من اهتم ورد
ثانيا
انا بصراحه لما رحت التوكيل كانوا متلخبطين هو العيب فين بعد ما حطوها على الكمبيوتر علشان العيب بتاع البوابه ظهر واختى ويجربوا تانى ويظهر ويختفى بردو فى الآخر عمل برمجه بس للأسف شويه وجبت 140 بردو رجعت زى الأول
قالولى تعالى تانى قلت اسأل على اللأسعار بردو طلع البواببه ب 2500
فقلت شكرا

روحت النهارده صقر قريش فى المعادى
جربنا تنضيف البوابه
وتغير البوابه
ورفع حساس الشكمان
وتغير البدال بتاع الببنزبن
والعيب زى ما هو
يختفى ونخرج نجرب يظهر تانى

فى الآخر كهربائى بص عليها قال العيب فى الكمبيوتر او الكونترولر اللى ورا الماتور
ووصفلى واحد فى الدقى بيصلح وبيفهم فى الحاجات دى, والخلاصه بتاعت النهارده إن العيب مش من البوابه ولا البدال ولا البرمجه ولا حساس الشكمان
ولا حول ولا قوة إلا بالله :)

بس يا رجاله وهى دى مأساتى مع الكليو :) ربنا يرزقنى خيرها ويكفينى شرها اللهم آمين

مش عارف بقى القصه كهربا ولا كمبيوتر

أفيدونا ربنا يكرمكم واحد واحد :)