استفسار فى عمل التوكيل (التجديد والترخيص )
 

السلام عليكم ورحمه الله وبركاته
انا عايز اعرف هو ايه اللى بيتكتب فى التوكيل بالظبط .انا كل اللى عرفه هو جمله (البيع لنفسه والغير والتعامل مع المرور ) ولكن اللى بيشتري اشترط على صاحبي انه يكتب (والتجديد والترخيص ) وصاحبي سالنى فقلتله استنى اسال اهل العلم والبيعه واقفه على الجمله دى وايه مدى اضرارها علي البايع .
فى انتظار ردكم ..شكرا

رد: استفسار فى عمل التوكيل (التجديد والترخيص )
 

الفكرة ان المشترى عاوز يجدد باسم زميلك عشان ما ينقلش ملكية لان نقل الملكية عاوز عقد بيع مسجل بيتكلف وورق نقل ملكية بيتكلف برضة

رد: استفسار فى عمل التوكيل (التجديد والترخيص )
 

شكرا لردكmr_astra طب التعامل مع المرور ده بيتيحله ايه بالظبط ؟ لو امكن باستفاضه اكتر ياريت .

رد: استفسار فى عمل التوكيل (التجديد والترخيص )
 

اكبر استفادة للمشترى هو الترخيص باسم زميلك يعنى بعد الرخصة ما تنتهى هايروح المرور وبموجب التوكيل اللى معاة من زميلك وتحديدا فقرة " التجديد والترخيص " هايجدد العربية سنة او اتنين او تلاتة باسم زميلك يعنى الرخصة هاتطلع فى التجديد القادم باسم زميلك وهاتفضل باسمة فى المرور ودى ليها مشكلتين
الاولى ان لو زميلك جاب عربية تانى وحب ينقلها باسمة او عربية زيرو بيرخصها هايدفع حاجة اسمها ضريبة ميزة
تانى حاجة لو العربية صدر عليها احكام قضائية ( مش مخالفات مرورية ) زى مثلا لو العربية خبط بيها واحد او استعملت فى سرقة ما ساعتها زميلك هايكون طرف فى القضية لانها لسة باسمة وهو المالك لها فى المرور

رد: استفسار فى عمل التوكيل (التجديد والترخيص )
 

الف شكر ياباشا على توضيحك وياريت لو توضح بس حته التعامل مع المرور دى ..جزاك الله كل خير