لوجان ولا فيرنا
 

السلام عليكم
كل سنه وانتوا طيبين
ان شاء الله ناوى اشترى زيرو المره دى ومحتار اجيب لوجان ولا فيرنا.
هيا اللوجان موفره فى البنزين وواسعه وعاليه عن الارض اكتر من الفيرنا بس سعر اعاده البيع اكيد مش زى الفيرنا ولا قطع الغيار طبعااا
ياترى ايه رايكم وهل فيه حاجه احسن منهم فى نفس الفئه دى

رد: لوجان ولا فيرنا
 

بص ياباشا اللوجان تتفوق من حيث كل شئ على الفيرنا (وسع داخلي/توفير في الوقود/التوكيل/الارتفاع عن الارض/العفشة) عدا قوة الموتور لان الفيرنا 110 حصان اما بخصوص اعادة البيع وقطع الغيار فحضرتك متقلقش دلوقتي قطع غيار اللوجان انتشرت بالهبل دلوقتي لان العربية انتشرت بسرعة الايام دي لدرجة انه معمول منها تاكسي اما اعادة البيع فهيا اتحسنت بشكل كبير جدا وممكن تزور كونتاكت كار وتشوف اسعار اعادة البيع لو حبيت تعرف يعني من الاخر تجيب اللوجان من غير تفكير طبعا بعد صلاة الاستخارة وربنا يوفقك ومبروك مقدما

رد: لوجان ولا فيرنا
 

شكرا اخى الكريم على سرعه الرد
بس فيه مشكله مش فى الانتشار المشكله فى سعر قطع الغيار اغلى بكتير وانا روحت توكيل رينو مع صاحبى ناس محترمين جدااا وكل حاجه تمام بس الاسعار غاليه جدااا وهوا دا اللى مخلينى افكر فى الفيرنا مع انى كنت مقتنع باللوجان جداا

رد: لوجان ولا فيرنا
 

والله انتا لو قارنت اسعار قطع غيار اللوجان باسعار قطع غيار الفيرنا جوه التوكيل هتلاقي الفرق مش كبير وثانيا التوكيل بتاع رينو احسن بكتير من المتنيل على عينه غبور فانا رايي انك تفكر في اللوجان برضه لان الفيرنا تقفيلها سئ وثباتها وحش وواطية وتحك في المطبات ومبروك مقدما

رد: لوجان ولا فيرنا
 

الفيرنا أحسن من متاهات اللوجان
فى الأداء والتكييف وإعادة البيع
والإعتمادية وقطع الغيار
وسهولة الصيانة
عن تجربة