ايه هو نظام التعليق ebd و ايه الفرق بينه و بين ال abs
 

ايه هو نظام التعليق ebd و ايه الفرق بينه و بين ال abs

رد: ايه هو نظام التعليق ebd و ايه الفرق بينه و بين ال abs
 

• ال"EBD" Electronic Brake-force Distribution

ده تكنولوجيا جديدة بيتم فيها توزيع قوة الفرملة على الفرامل الاربعة فيعطى قوة اكبر للفرامل

• اما ال----"Anti-lock braking systems "ABS

ده هى تكنولوجيا خاصية مانع انغلاق الفرامل وده لو انت بتسسوق فى طريق مموج او غرقان بالمطر وجيت تفرمل العربية متعومش منك وتفضل فى نفس خط سيرها...اى مانع انزلاق السيارة فى الفرملة القوية

تقبل تحياتى :lvly:

رد: ايه هو نظام التعليق ebd و ايه الفرق بينه و بين ال abs
 

السلام عليكم...
مبدئياً النظامان هما من أنظمة الفرامل الحديثة و التى يتم إضافتها لبعض السيارات الحديثة:
1- نظام الفرامل المضاد للإنغلاق : (ABS (Anti-lock Brake System
و هو نظام وظيفته عدم إنغلاق الفرامل بالكامل فى حالة وجود ما يجعل عجلة أو أكثر تتوقف فوراً
و ببساطة: فى حالة وجود زيت أو ماء على الطريق و قام السائق بالضغط بقوة على الفرامل فما يحدث هو أن العجلات تتوقف فوراً بسبب قلة إحتكاكها مع الطريق مما يسبب إنغلاق فراملها بالكامل الأمرالذى يتسبب فى فقدان التحكم فى السيارة (زحف السيارة) و ما يفعلة هذا النظام هو فتح و قفل الفرامل عشرات المرات فى الثانية الواحدة مما يجعل العجل يستمر فى الدوران رغم الفرامل و بالتالى يستطيع السائق التحكم فى السيارة
و هذا النظام له تأثير بسيط جداً فى تقليل قوة الفرامل مقابل عامل الأمان (التحكم فى السيارة) و بالطبع هناك وحدة تحكم فى النظام و حساسات لتبين أى العجلات إنغلقت ليتم تشغيل النظام فيها فقط فمن الوارد أن تكون المادة اللزجة على جانب واحد فقط من الجانبين فيقوم الجهاز بتشغيل النظام فى جانب واحد فقط

2- نظام توزيع قوة الفرامل الإلكترونى: (EBD (Electronic Brakeforce Distribution
ووظيفتة توزيع قوة الفرامل على كل عجلة على حدة لمنع إنحراف السيارة عن مسارها (تعمل دريفت أو تخمس) و هو من الأنظمة المكملة لنظام ABS
و نظام EBD مهم جداً عند الفرملة فى الملفات و خصوصاً الحادة
و بعض السيارات المزودة بالنظامين بها مفتاح لإيقافهم من أجل القيادة الرياضية

رد: ايه هو نظام التعليق ebd و ايه الفرق بينه و بين ال abs
 

السلام عليكم.
اريد شراء سياره ميتسوبيشى شارك2015 و محتار بسبب انى سالت فى التوكيل عن الفئه التانيه فيها EBD قالولى فيها و بعدين اسال ف المعارض يقولولى مافيهاش و الخليجى مافيهاش برده......تعبولى اعصابى.......المهم عايز اعرف العربيه دى فيها EBD و لا لاء
السؤال بقى ........العربيه لو فيها abs و مفيهاش EBD ممكن يتركب بعد ما اشتريها و لا مينفعش .....ارجو الافاده جزاكم الله خيرا

رد: ايه هو نظام التعليق ebd و ايه الفرق بينه و بين ال abs
 

على حد علمى ان الشارك مجهزة اساسيا بنظام ABS فقط مفيش فيها EBD فى كل فئاتها