اجراء عملية منظار للمحرك
السلام عليكم ورحمة الله وبركاتة
اتمني من الله ان ينال اعجابكم هذا الموضوع سوف اكتب بعض البنود الهامة واي استفسار انا تحت امركم تم استخدام كاميرا لهذا الموضوع اسمها endoscope سعرها في حدود 300 جنية اولا يوجد جهاز مخصص للموضوع وبتكون تكلفتة في حدود 7 الاف جنية ودي صورتة http://www.masr1.com/di/JQOT/jj.jpg انا استخدمت النوع دة الي جبهالي ماجبش النوع الي انا عاوزة وكان فية مشكلة ان حجم الكاميرا كان 16 ملي عملت فيها تعديل حتي 11 ملي فلا احبذ شراء النوع دة ثانيا لايوجد بة مرأة افقية لرؤية جدار الاسطوانة والصبابات http://www.masr1.com/di/RU8H/IMG_1209.jpg افضل النوع دة ممتاز وبة مرأة افقية حجم الكاميرا 6 ملي وبنفس السعر تقريبا http://www.masr1.com/di/GUEV/Portabl...nake-Scope.jpg فوائد الموضوع دة 1:الكشف علي رأس البستم 2:الكشف علي جدار الاسطوانة 3:الكشف علي الصبابات 4:الكشف علي محرك استيراد 5:التاكد من عدم تسريب مياة او زيت الي الاسطوانات 6:الكشف علي ترس الحدافة وترس المارش 7:استخدامات عديدة للاماكن الضيقة لاتسونا من صالح دعائكم ‫ط£ط¬ط±ط§ط، ط¹ظ…ظ„ظٹط© ظ…ظ†ط¸ط§ط± ظ„ظ„ظ…ط*ط±ظƒ‬‎ - YouTube |
رد: اجراء عملية منظار للمحرك
الله ينور يا بشمهندس عمرو...
هو ده الشغل فعلا... واستخداماته عملية ومفيدة جدا ... ليا بس سؤال بسيط... أنا لا حظت في الفيديو إن الموتور الأولاني اللي حضرتك كشفت عليه... السلندر الأول والرابع باين على البستم علامات الخراطة الدائرية... إنما في السلندر التاني والتالت مش باين عليهم العلامات دي.. هل ده له معنى لما حضرتك بتكشف على الموتور؟؟ ... |
رد: اجراء عملية منظار للمحرك
الله ينور, بسم الله ما شاء الله
شغل ممتاز, بيوضح إن الطب و الهندسه ممكن يتلاقو فى العربيات كده المواتير الإستيراد بقت على عينك يا تاجر و الناس اللى بتبقى محتارة شنبر و لا عمرة و يعمر و لا يسقط مكنه استيراد و نفضل نقول المكنه بطيخة و مش هتبان غير لما تتفك , دلوقتى هنقولهم أكشف على بطيختك (قصدى مكنتك) و هيا مقفوله و فى مكانها كل ده بقى و أنت قاعد باشا, 10 دقايق و الدكتور المهندس الأستاذ/ عمرو باشا يجيب من الآخر تحياتى لإبداعك يا بشمهندس عمرو |
رد: اجراء عملية منظار للمحرك
اقتباس:
لاحظ في 1 4 كان البستم في النقطة الميتة العلوية فكان التصوير قريب جدااا ولاحظ في 2 3 كان البستم في النقطة الميتية السفلية فكان التصوير بعيد الكاميرا دقتها عاليا جدااا للاجسام القريبة لانها مخصصة لذلك وليس للتصوير البعيد جربتها ان اصور بيها اي حاجة زي اي كاميرا الصورة معدومة تماما فاختلفت معاك نظرتك للصورة ياريت تراجع الفيديو تاني وبالنسبة للتعاريج الي موجودة لو مسكت البستم في ايدك حتحسها مش حتشوفها ودي صورة لنفس البستم بالظبط http://i.ebayimg.com/00/s/MTQ1NVgxNj...7E%7E60_35.JPG https://c1.staticflickr.com/5/4100/4...af7905ef_z.jpg لاحظ في الموتور التاني كان القريب صورتة دقيقة جدااا |
رد: اجراء عملية منظار للمحرك
مهندس عمرو السيسى
الف شكر لك على مجهودك فى استخدام تقنية ممتازة للكشف عن المحرك وبارك الله لك فى علمك ولكن لى سؤال هل من الممكن ان نستخدم هذه الكاميرا فى فتحة ملىء زيت المحرك؟ لانه اذا كانت الاجابة بنعم فاننا يمكن ان نرصد 1- رؤية اى تسريب زيت للكارتيرمن اى سلندر وتحديده عندما يكون المحرك خفيف 2- رؤية اى تسريب للمياه للكارتير مع تحديد السلندر عندما يكون هناك خلط للماء مع الزيت 3- تحديد حالة كل سبيكة من سبايك الكرنك وشكرا لك على مجهوداتك القيمة |
الساعة الآن 10:10 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017