سؤال بخصوص اكسنت 1300
السلام عليكم انا استريت اكسنت موديل 2005 وعاملة 125000 كم وكانت بتنتش على الغيار الثانى ورحت لبتاع الكربيراتير وعملى اكس وباب وغيرلى البكات والعربية ظبطت وغيرت الزيت وكان اسود جدا وغيرت البوجيهات بس بشوف الصبح دخنة من الشكمان سوداء وبشم ريحة عادم مش بنزين والعربية ناعمة جدا والتكيف تمام والسحب كمان بس ساعات لما ادور الصبح فى البرد العربية بترتل وبزود بنزين وبتبقى بعد كدة تمام بس الموضوع دة مش دايما ارجو التوضيح اسباب العادم الاسود والترتيل فى الصباح الباكر وشكرا ليكم
|
رد: سؤال بخصوص اكسنت 1300
العادم الأسود احتراق غير كامل للوقود يعنى فى عرف الميكانيكية العربية مخنوقه شوية ودى حلها ان الميكانيكى يظبط الكهربا بتاعتها
مش فاهم يعنى ايه ترتيل ؟؟ قصد حضرتك تقطيع يعنى ولا ايه |
رد: سؤال بخصوص اكسنت 1300
يعنى السلانسية بيبقى مش طبيعى المهم كدة تبقى مشكلة كرابراتير تانى ولا كهرباء زى ما حضرتك بتقول وشكرا على اهتمامك
|
رد: سؤال بخصوص اكسنت 1300
اقتباس:
دى حلها برضه ظبط كهربا وهنا الميكانيكى بيعليها سنة لكن هذا على حساب استهلاك الوقود او النصيحة الافضل اعمل زى العربيات الحديثة اللى فيها elctronic shock اول ما العربية تدور دوس بنزين باستمرار الى ان يصل RBM الى 3000 مثلا لمدة 30 ثانية وبعدين سيب رجلك |
رد: سؤال بخصوص اكسنت 1300
اخى الكريم ارجع لبتاع الكربراتير تانى لان الكربراتير مش مظبوط
وبصراحة انا مش فاهم اكس وباب اية لعربية موديل 2005 وعاملة 125الف بصراحة شىء لا يصدق ونصيحة اسشتعوض ربنا فى الفلوس بتاعة الكربراتير وروح مركز الصفا لتحليل العادم هاترجع من هناك كربراتيرك زى الفل |
الساعة الآن 12:52 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017