حادثه فيرنا ع الغيار التاني
 

الحمد لله ربنا نجاني منها
عملت حادثه ع الغيار التاني يعني 40 او 50 لو بقرص مكنتش فاكر بالظبط دخلت ف عربيه وش في وش الحمد لله انا سليم كام غرزه في وشي وبتابع مع دكتور تجميل
اللي عايز اعرفو دلوقتي نص فيرنا امامي بالماتور عامل كام ومن غير الماتور عامل كام
والتركيب تقريبا هيكلف كام
سامعك ياللي بتقول محتاج نص امامي ليه وانت ماشي علي الغيار التاني ... مش هقول غير ان دا اللي حصل واللي دخل فيا اوكتافيا 2009 واضرارها كبوت وفنوس ورفرف
ارجو سرعه ارد

رد: حادثه فيرنا ع الغيار التاني
 

الحمد لله على سلامتك الباقي يتصلح ان شاء الله حد يفيدك

رد: حادثه فيرنا ع الغيار التاني
 

لا منا عايز علي ما اصلح وشي اصلح العربيه
بالحق بالمره عايز اسال لو في دكتور تجميل هنا انا كنت عملت جراحه تجميل بس الدكتور المفروض هيفك السلك السبوع الجاي والجرح كله عند العين يعني الجفن والحاجب وبيقولي الدكتور المهم ان العين تقفل وتفتح زي الاول ومش عارف ايه اللي هيتم هو قالي ممكن نعمل عمليه تانيه او كريمات بس او ممكن اعمل ليزر بس بيقولي الليزر خطر عشان في الجفن والحاجب ارجو الرد والاهتمام ( اعتبروني اخوكم)

رد: حادثه فيرنا ع الغيار التاني
 

الف حمدا لله علي السلامة
انا راي تنزل الحرفيين وتسال - دا افضل حل

رد: حادثه فيرنا ع الغيار التاني
 

اانا من اسماعيليه واني انزل واسافر .. صعب في حالتي حاليا