الغيارات بتيجى بالعافيه و الدبرياج بيتهز فى الماشيه !!!!
 

رد: الغيارات بتيجى بالعافيه و الدبرياج بيتهز فى الماشيه !!!!
 

يا جماعه حد يرد ضرورى
دلوقتى العربيه من ساعتها واقفه فى الجراج انا النهارده روحت اسخنها جربت الغيارات كانت كويسه كلها والمرشدير بيجى من غير صوت هل كده تبقى اتظبطت ولا ممكن عشان واقفه و مع الماشيه المشكله تظهر تانى ؟
ملاحظه : فى حاجه فى دواسه الدبرياج لو مثلا رفعتها برجلى لفوق بتترفع هل ده عادى ولا فيها مشكله انا مش فاكر هيا الاول كانت كده ولا لا ؟ارجوكم لو حد عنده فكره يرده لانى محتار اكلم الميكانيكى بيجى ياخدها ولا هيا كده اتظبطت

رد: الغيارات بتيجى بالعافيه و الدبرياج بيتهز فى الماشيه !!!!
 

غالبا الميكانيكى غير أمين

ومغير الزيوت بزيوت مغشوشه أو بمقاسات غير مظبوطه

وأنا أشك برضه أنه ممكن يكون غير الزيوت صح
وأنت فى حاجه لأستنزاف الهواء من دايرة الدبرياج لرفع كفاءة وصل وفصل الحركه أثناءعمليات النقل بعصاية الفتيس

وأخدان الهواء من دايرة الدبرياج بيتم بمنتهى السهوله من خلال مسمار أستنزاف الهواء من زيت الدبرياج

والمسمار موجود على الماستر التحتانى للدبرياج (المسمى هندسيا بماستر التحرير )

وبمعنى مبسط

روحله تانى وأحكيله على الأحداث دى

وقوله راجعلى على منسوب زيت الفتيس وخد الهواء من دايرة الدبرياج

وجرب عربيتك فى مشوار طويل ظهرا

رد: الغيارات بتيجى بالعافيه و الدبرياج بيتهز فى الماشيه !!!!
 

بجد متشكر اوى لردك اخير احد رد
بس عندى سؤال انا النهارده روحت اسخن العربيه وجربت الغيارات كلها هيا العربيه واقفه و كانت كويسه بس من غير ما اتحرك هل كده تبقى اتظبطت لوحدها مثلا ؟؟؟؟؟ ولا ممكن المشكله تظهر فى المشى ؟؟ تانى حاجه الدبرياج المفروض مش يتحرك من مكانه ولا لو مثلا حضرتك رفعته بأيدك لفوق بيترفع عادى ؟؟؟؟

رد: الغيارات بتيجى بالعافيه و الدبرياج بيتهز فى الماشيه !!!!
 

ممكن تظهر فى المشى فعلا مشاكل فى النقل بسبب خلل فى آداء زيت الدبرياج

ممكن تكون نوعية زيت الدبرياج الجديده مش كويسه

لأن موضوع الدواسه ده غالبا بيكون سببه

1- وجوده هواء مختلط مع زيت الدبرياج

2- أستعمال نوعية زيت مغشوشه

3- تلف ماستر الدبرياج التحتانى ( وده مستبعد حاليا على أساس المشكله بتاعة الدواسه مكنتش موجوده قبل تغيير الزيت )