عايز أفهم هل البيع عن طريق سمسار حلو ولا لا ؟
السلام عليكم
كنت عايز افهم يا جماعه ايه حكايه البيع بالسمسار ده وقد ايه العموله اللى بياخدها ؟ أصل انا السايس بتاع الجراج و واحد تانى تقريبا بيشتغلوا سماسره بيع وشراء وكده و بيتحيلوا عليا لو عايز أبيع العربيه طبعا انا مش عايز ابيعها اوى دلوقتى فمش هتسرع وهل الناس دى ممكن تشتغلنى ويطلعوا بمصلحه منى يعنى مثلا يتقف مع المشترى انها هتتباع ب 50 ويقولى المشترى هيشترى على 48 وياخد الفين جنيه من ورايا |
رد: عايز أفهم هل البيع عن طريق سمسار حلو ولا لا ؟
طبعا ممكن يتفق من وراك
وده شخصيا مش بيهمنى كتير لو انا عايز 48 يجيب ال 48 وحلال عليه الزيادة أما العمولة الطبيعيه 300 جنيه |
رد: عايز أفهم هل البيع عن طريق سمسار حلو ولا لا ؟
شكرا استاذ محمدى على الرد والاهتمام
بس استفسار دلوقتى تقريبا هما اتنين شغالين مع بعض سايس الجراج وواحد تانى السمسار هل الاتنين بياخدوا 300 جنيه ولا كل واحد 300 لوحده ؟ |
رد: عايز أفهم هل البيع عن طريق سمسار حلو ولا لا ؟
لا امان للوسطاء ( السماسرة او التجار ) .
المشكله مش فلوس وبس المشكلة انهم بيبقوا عارفين عيوب العربية ولايذكروها وكمان بينصحوا صاحب العربية بعدم ذكرها . المهم يطلعوا بالمصلحة بتاعتهم ولكن فى حالة الاضطرار واذا كانت المادة لا تفرق معك . فاحرص على تفقد حالة السيارة حتى لا يكون الخسارة من كل الجوانب |
الساعة الآن 11:19 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017