|
ارجوا المساعده لشراء سياره بسعر 25000
السلام عليكم
لو معايا مبلغ 25000 اقدر اشتري اي نوع سياره ؟ وهما دول كل اللى معايا ومش عايزه اصرف على العربيه اللى اشتريها و عايزه نصيحتكم ممكن اشتري منين ؟ ارجوا افيدوني و ايه رائيكم فى دايو ماتيز99 وبيجو 205 سنه91 |
رد: ارجوا المساعده لشراء سياره بسعر 25000
الدايو ممتازة بس المهم تلاقى حالة كويسه مش متبهدله
البيجو أبعدى عنه لإن قطع غيارة مش عند أى حد , محتاجه لف شويه. الماروتى برضة هتكون موديل عالى و مناسبة للبنات بس فاضية مفيها أى كماليات من اللى فى الماتيز. |
رد: ارجوا المساعده لشراء سياره بسعر 25000
شكرا جزيلا لحضرتك
ولكن نصيحتكم لو عايزه اشتري ممكن اجيبها منين ؟ وهل مواقع النت مضمونه ظ ولو هاجيب ميكانيكي معايا اديه كام علشان يكشف عليها؟ وشكرا جزيلا وبعتذر لاسئلتي الكثيره |
رد: ارجوا المساعده لشراء سياره بسعر 25000
الاخت الكريمه
اولا نصيحه اخويه ( لا تضعي كل البيض في سله واحده ) يعني لو كان المبلغ كله اول عن اخر هو الـ 25 الف يبقي تجيبي في حدود الـ 20 مثلا و تخلي الباقي احتياطي فمهما ان كان العربيه حاله فمن المؤكد ان في قطع قاربت علي انتهاء عمرها الافتراضي لو تعرفي ميكانيكي ثقه تاخديه احسن لسوق السيارات في العاشر بعد ما تحددي نوع و موديل العربيه المناسبه لسيادتك الوحيد اللي هايحدد نوع السيارة و موديلها هو احتياجاتك و مشاوريك لكن فيه طريقة سهله انك تعملي بحث بالسعر المقترح علي مواقع النت زي كونتاكت كار و دوبيزل يعني في رينج الـ 20 مثلا هتلاقي كل السيارات في حدود المبلغ هل اول مره هاتسوقي يبقي تخليكي في عربيه لو حصلها حاجه لا قدر الله ماتزعليش عليها اوي المقترح : 128 فيات - بيجو موديل اواخر الثمانينات و الاعضاء اكيد هايضيفوا احسن مني و مبروك مقدما و ربنا يبارك لسيادتك فيها و يحفظك |
رد: ارجوا المساعده لشراء سياره بسعر 25000
نصائح لشراء سيارة مستعملة
اشترى من مواقع بيع السيارات على النت اول ما تلاقى اعلان خدى رقم الموبايل واعملى علية سيرش على جوجل ولو طلع الرقم مقرر فى اكتر من اعلان بيع سيارة سيبك منها اشترى سيارة تكون رخصتها باسم صاحبها بلاش عربيات الاقاليم وخصوصا اماكن معينة بس اسف مش هاقدر اقول عشان مزعلش حد منى خدى معاكى اما سمكرى او بوهيجى يكشف على العربية مش ميكانيكى لان الميكانيكى مش هايقدر يكشف على العربية صدقينى صلاة الاستخارة التوكل على الله |
| الساعة الآن 09:48 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017