مصر موتورز مجتمع السيارات - مبتدئ في السواقة

اهم حاجة الممارسة ... و عود نفسك ما تبصش على حاجة خالص غير الطريق يعني انت هتبقى عايز تبص على الفتيس و الدواسات ... ده شئ طبيعي في البداية لكن لازم تقاوم نفسك عشان ما تتعودش على كده لازم تتعود انك ماتبصش ... بالنسبة لحكاية انها بتبطل منك كتير فده عشان انت لسه ما اتعودتش على الفرامل و مظبطش دوستك عليها .. انا السنة اللي فاتت زي دلوقتي كنت بتعلم السواقة و فاكر ان كان عندي نفس المشكلة و المدرب قاللي كل ما تدوس فرامل لازم تدوس معاها دبرياش .. هو طبعا مش كل فرامل بتبقى محتاجة دبرياج بس بعد كده انت هتضبطها و الدبرياج مافيهوش نص دوسة طالما هتدوس دبرياج يبقى للاخر .. بالنسبة للتوتر .. انت ايه اللي يوترك اهم حاجة تسوق في مساحة فاضية و كبيرة و لوش براحتك و لما تبقى مستعد ابتدي سوق في الشوارع و انت كدا كدا اكيد سرعتك ما بتعديش ال 40 فمتقلقش و متتوترش لان على السرعات البطيئة مهما غلطت او خبطت هتبقى حاجة بسيطة باذن الله و في اسوء الظروف عمرك ما هتتاذى باذن الله ( ربنا يحفظك) العربية هي اللي صاجها ممكن يطبق بسيط كده و اي سمكري يردها او تجمعهم على بعض و توديها للسمكري مرة واحدة بعد ما تخلص تعليم باذن الله و حط في دماغك انك لازم هتخبط العربية على الاقل 3 4 مرات و الا ما تبقى لسه ما اتعلمتش ... اللي عايز اقولهولك ان مش مستاهلة خوف و طالما سرعتك بطيئة في اسوء الظروف النتايج هتبقى بسيطة حتى لو خبطت في حيطة :D