|
ألحقونى قبل ما جوزى يرجع فى كلامه
السلام عليكم ورحمة الله وبركاته أولا وقبل أى شيئ أحب أشكر جميع أععضاء هذا المنتدى الاكثر من رائع والاخوه المشرفين على المجهود الرائع فعلا دى أول مشاركه ليا وأن شاء الله ما تكونشى الأخيره وجزاكم الله خيرا فلقد أستفدت من موضوعاتكم فائده كبيره ولسه عشمانه فيكم تساعدونى أكثر (طماعه شويه)[IMG]http://www.**********.net/Nile/images/smilies/_Alshmokh23[1].gif[/IMG] أنا أستقريت ولله الحمد بعد بحث وتنقيب وتمحيص وصولات وجولات أنى أن شاء الله أشترى نيو أكسنت مع أنى كنت هاموت على البيكانتو لكن السيد المبجل زوجى كان ليه رأى تانى ونزل زن على ودانى لحد ما أقنعنى بالاكسنت أللى انا أصلا كنت مقتنعه بيها بس كنت بقاوح غلاسه المهم كان سر تمسكى فى الاول بالبيكانتو أنها عربيه صغيره وانا خايفه ما أقدرش أتعود على مقاسات العربيه الكبيرهمع أنى سوقت عربية جوزى كتير بس هو قلق لابد منه المهم رحت أمبارح غبور اللى فى شارع السلطان حسين وكان عندهم واحده سوده شكل اللون الاسود عليها جنان لكن الراجل اللى هناك قالى أن اللون الاسود بيحتاج نضافه جباره فطلبت اشوف النبيتى ورحت شوفتها لكن ما عرفتش اشوف اللون كويس لأنه ودانى الجراج والدنيا طبعا ضلمه فغالبا أستقريت على النبيتى أو الكحلى طلباتى بقى كلأتى أنا أن شاء الله هأقسط معاهم تقسيط أسلامى بفايده 8.5 % أرجو منكم تفيدونى عن الاسئله التاليه هل العربيه مناسبه ليا وانا عندى طفلين صغيرين وهل ليها مشاكل وممكن تبهدلنى معاها ومشكلة الباور الكهرباء أتحلت ولا أيه 1-الراجل قالى التسليم بيكون فى خلال حوالى من عشرين يوم لشهر ؟هل الكلام ده حقيقى 2-قالى ما ينفعش أن العربيه تتكتب بأسمى لأن زوجى هو اللى هايدفع وعشان تتكتب بأسمى يبقى قدامى حل من الاتنين يا اما أدفع40% مقدم أو أقسط عن طريق كونتاكت والحلين بالنسبالى مرفوضين هل الكلام ده حقيقى يعنى ما ينفعش تتكتب بأسمى 3_ البنك اللى هايقسطلى عنده شرط مش لذيذ وهو ( لو أنا بعد فتره حبيت أكمل باقى تمن العربيه كاش يبقى لازم يكون مر عليا سنه بأدفع أقساط دى حاجه والتانيه لو انا كان معايا مبلغ نقول مثلا خمس ألاف وحبيت أدفعهم مره واحده لكذا شهر ما ينفعش أقل حاجه لازم يكون مبلغ أقساط سنه 4- لو فى حد عنده علم بمعارض تمون بتقسط أسلامى بشروط أحسن من دى يفيدنى علما بأنى أقدر أدفع مقدم الربع وعند غبور برضه كنت هادفع الربع وقسط شهرى حوالى 1300 وفايده 8.5 لو تعرفو حد تانى بالمواصفات دى يبقى ليكم جزيل الشكر 5- أخر سؤال وأهم سؤال أى اللونين أحلى النبيتى أم الكحلى أنا سمعت أن النبيتى بتاعها مطفى هل دى حقيقه ولا أسفه طولت عليكم بس عشمى فيكم كبير وليكم الأجر والثواب عند الله :waving::waving::waving: |
رد: ألحقونى قبل ما جوزى يرجع فى كلامه
ولا حد هان عليه يرد عليا أنشاله تقولولى ما لناش دعوه حتى ptmnlo123per144ptmnlo123p er144ptmnlo123per195ptmnl o123per195ptmnlo123per146 ptmnlo123per146ptmnlo123p er146ptmnlo123per146ptmnl o123per146ptmnlo123per146 |
رد: ألحقونى قبل ما جوزى يرجع فى كلامه
عدم الرد لا يعنى الاستهانه أو عدم الاحترام ! و لكن قد يعنى ان واحد مثلى مثلا ليس عنده كل
الاجابات مره واحده ! لذلك أنا ح أرد على اللى أعرفه ! أولا النيوأكسنت سياره جيده واختيار موفق ! و أحسن من البيكانتو طبعآ ! و يستحسن تختارى الآوتوماتيك ! بس أحب أنبهك انها سياره سريعه و خفيفه و تحتاج الحذر فى القياده و عدم الجرى ! مشكلة الباور الكهرباء أعتقد اتحلت وهو على زيت حاليآ ! كل البنوك زى بعض ولا فرق بين اسلامى و يهودى ! ولكن طبعآ الواحد بيحب يشيل الذنب من على كتفيه ! و فعلا طالما زوجك هوه اللى ح يقسط ! يعنى مفردات مرتبه هى الضامن أعتقد برده لازم تبقى باسمه ! وبالنسبه لموضوع لو عايزه تدفعى كام شهر ورا بعض و عدم رغبة البنك بذلك ! فالعقد شريعة المتعاقدين و للبنك أن يشترط أى شروط ! بس أنا شايف فترة سنه معقوله و ادخرى ماتيسر لك من نقود و أول لما السنه تعدى ادفعى ما تيسر لكى ! اللون الكحلى أفضل من النبيتى ( عند اعادة البيع ) و أهدى للآعصاب ! أنا عارف ان الاجابات مش كامله أو مش على هواكى ! بس علشان ما تقوليش ماحدش معبرنى ! و مش عايز أقول الجمله المشهوره ( امسحى دموعك يا آمــال ) ! ptmnlo123per1106 Dr. Bolbolan ptmnlo123per122 |
رد: ألحقونى قبل ما جوزى يرجع فى كلامه
اقتباس:
|
رد: ألحقونى قبل ما جوزى يرجع فى كلامه
الف الف مبروك مقدما و ربنا يبارك
العربيه دى ممتازه ومشكله الباور اتحلت دى اجاباتى فى حدود اللى اعرفه: 1- التسليم ده بيكون حسب وفره العربيه عند الوكيل هوه ادرى واحد بتاريخ وصول الدفعات من بلد المنشا والفتره اللى حضرتك ذكرتيها مناسبه جدا وكلام معقول وان شاء الله تكون اقل من ذلك 2- فعلا العربيه سوف تكون باسم زوجك لان واضح ان كل الاوراق المقدمه باسمه 3- انا بصراحه مستغرب من الشرط ده بس معلش مش هتفرق 4- فى شركه اسمها العالميه دى بتقسط تقسيط مباشر بدون بنك والفايده 10% وليها فرع فى مصر الجديده عند اشاره روكسى بجوار العبودى 5- اللون الكحلى و السلفر من احلى الالوان على النيو اكسنت (دى اذواق) |
| الساعة الآن 08:33 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017