مصر موتورز مجتمع السيارات - سائل تبريد المحرك

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - سائل تبريد المحرك (https://www.masrmotors.com/vb/showthread.php?t=133703)

سائل تبريد المحرك

نطت فى دماغى فكرة انى اعمل سائل لتبريد المحرك...

انا كنت بستخدم ماء مقطر من التكييف مع لتر ديزل ... و ده عمل نتائج كويسة فى تنظيف دورة التبريد ..

قرأت ان الايثيلين جليكول كويس جدا فى عملية التبريد عند اضافته بنسبة 50% ... و اغلب سوائل التبريد ( الخضراء و الحمراء تحتوى على ايثيلين جليكول ) ... المادة دى اصلا بتتحك علشان المياه متتجمدش ... الا انها ايضا تحافظ على درجة حرارة المياه من الارتفاع

و لكنى ابحث عن بعض الاضافات ... لمنع الصدأ ... و عمل تزييت لطرمبة المياه

حد يعرف ايه ممكن تكون الاضافات دى ؟ يشاركنا بالنصيحة :Wkiss5:

رد: سائل تبريد المحرك

السلام عليكم
متابع معاك للتعلم
انا اعرف ان البعض بيضيف خل للتنظيف لكن يتم تغيير الماء بعد يوم تقريبا
فمن الممكن اضافة نسبه بسيطه من الخل و سائل تنظيف
والله اعلى واعلم
والله المستعان

رد: سائل تبريد المحرك

انا سمعت عن موضوع الخل ده فعلا .... بس ده لازم يتغير بعد فترة قصيرة زى ما حضرتك ذكرت ...
انا بدور على مادة تفضل داخل الردياتير و لا تضر بالجوانات و تمنع الصدأ !!! و مفيش مانع من بعض الاضافات الاخرى لتحسين الخواص

منور الموضوع بالمشاركة :)

رد: سائل تبريد المحرك

اقتباس:

( سائل التبريد (إيثلين جليكول) مخلوط مع الماء بنسبة 50/50, يغلي عند درجة حرارة 225 درجة فهرنهيت (107 درجة مئوية) في حالة أن يكون غطاء المشع (الردياتير) مفتوح (ضغط جوي). ولكن طالما أن النظام مغلق وبه ضغط, فإن غطاء المشع المصنف 15 رطل/بوصة يزيد درجة حرارة خليط سائل التبريد 50/50 حتى 265 درجة فهرنهيت (130 درجة مئوية). في حالة زيادة تركيز سائل التبريد لتصبح النسبة للماء 70/30 (أقصى قيمة موصى بها), فإن درجة غليان المخلوط تحت ضغط 15 رطل/بوصة (103.5 كيلو بسكال) فإن درجة الغليان ترتفع إلى 276 درجة فهرنهيت (135.5 درجة مئوية).

ده رأى العلم
اللى بنعمله هنا فى مصر عكس العلم , ممكن تكون فتاكه لحد الإعجاز, و ده لسوء الحالة الإقتصادية
مياة مقطره (سواء من تكييف أو من فلتر مياه فيه مرحلة للأملاح أو من محلات البطاريات أو من نهر النيل على طول - يعنى المهم بعيد عن شركة المياه ربنا يكرمها)
ممكن نضيف شوية سولار (مش جاز و لا نفط) لإن السولار فيه زيوت خفيفة بتمشى فى دورة التبريد تزيل الصدأ و تزيت طرومبة المياة و متبقاش حامية.
ممكن نغسل دورة المياة بالخل أو ملح الليمون (من العطار) بس طبعاً يكون مخفف, لإن الإثنين حاميين شوية, لذلك بننضف بيهم بس مش بنسيبهم زى السولار.
فيه ناس بتحط علبه radiator cooler و دى فيها مكونات كتير منها الإيثيلين جلايكول, بيحطوها على مياة مقطرة فى الريداتير. علبه بتتباع فى البنزينات (زى منظفات الرشاشات و الـ WD40 و غيرهم)
و فيه ناس من كتر ما إتهرت من الكلام ده و كل شوية الميكانيكى ينزل المياة عالأرض علشان أى إصلاح, فضلت أحط مياة من .... شركة المياة :cry2W9: :12F099~16:

رد: سائل تبريد المحرك

انا موافق على رأى حضرتك جملة و تفصيلا ... و انا قرأت الكلام السابق عن الاثيلين جليكول بالفعل ... و بالمناسبة .. المتعارف عليه فى السوق هو داى ايثيلين جليكول .. و اللتر ب 15 جنيه

حضرتك قلت على حاجة كويسة جدا تستحق البحث .... WD40 .. سائل بينضف الصدأ و كمان بيعمل تزييت لطرمبة المياه نظرا لاحتوائه على احد مشتقات الزيوت ... و لكن ... فيه كلام كتير انه بيأثر على الاورنجات المطاط .. ده غير انى اعتقد انه حيكون غالى شوية ...

يسعدنى الاستماع لرأيك و تجاربك ... و ربنا يعينك و يعينى على العربيات