|
البيت كان هيتحرق لولا ستر ربنا
قدر الله وماشاء فعل والحمد لله على كل شىء اللى حصل ان المدام كانت بتعمل طاسة بطاطس ونسيتها على النار فالنار مسكت فى الزيت وبعدين مسكت فى المطبخ والحمد لله ربنا الهمنا الصواب وقفلت الغاز وعرفت اطفى النار باستخدام بطانية
المهم انى كان عندى طفايه حريق كبيرة بعد الحريقه قولت اشوفها واخليها فى مكان قريب علشان لا قدر الله لو حصل موقف مشابه تانى لقيتها فاضيه او فيها البودرة ديه بس مش بتطلع جامد شكلها من الركنة باظت ولا حاجة فانا مش عارف دلوقتى اجيب واحدة تانية ولا ديه ينفع تتملى تانى ولو حد يعرف تتملى فين والتفاصيل ايه ياريت يفيدنى |
رد: البيت كان هيتحرق لولا ستر ربنا
الحمد لله , يا لطفك يا رب .
انا كانت هتحصل حريقه عندي مرتين بس ربنا لطف . |
رد: البيت كان هيتحرق لولا ستر ربنا
الحمد لله على سلامتك وسلامة اسرتك .... ويكفيك ويكفينا شر المستخبى .
|
رد: البيت كان هيتحرق لولا ستر ربنا
الله يسلمكو الحمد لله على كل شىء والحمد لله ان ربنا نجا الاولاد وامهم وجت سليمة بس الواحد اتعلم من الموقف ده انه يكون حريص اكتر ويعمل حساب حاجة زي كدة تحصل لان للاسف اغلب بيوتنا مش مجهزة للتعامل مع الحريق
|
رد: البيت كان هيتحرق لولا ستر ربنا
الحمد لله انك و الأسرة بخير يا أستاذ وائل
و ربنا يسلمك فى أهلك و مالك و صحتك و رزقك و يجعل بيوتنا آمنه و قلوبنا مطمئنه دائماً |
| الساعة الآن 05:58 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017