استفسارات عن اكسنت 2011
 

السلام عليكم ورحمة الله ..
المنتدى ده من اكتر المندتيات اللي بحترمها...برغم اني شبه مااشاركتش بس بحب اتابعه..:)
وساعدني اني اجيب عربيتي..
انا جبت اكسنت 2011
بس كان عندي سؤال هل السحب في اول 1000 كيلو مش بيكون كويس.؟؟..بيكون اقل من الطبيعي مثلا؟؟
يعني مثلا انا عالرابع على 2 ار بي بيكون السرعة 60 كم/م
اصلا انا اول ما بجيب الرابع بحس العربية مش مرتاحة معايا..وبنقل على طول عالخامس والخامس عندي على 2 ونص ار بي بيكون السرعة 90 كم/ث..كويس ولا لاء؟؟

سؤال برة المنهج بقى..في عربية اكسنت بس الفوانيس الامامية مختلفة عن الاكنست المنتشرة..هي اشبه بفوانيس مازدا 3..ايه الفرق بين دي ودي بقى؟؟

سؤال كمان فترة الظهر لما بكون راكنة العربية..واجي اركبها بتكون سخنة جدا بسبب انها كمان غامقة..بس لما بشغل التاكيف..مش بيبردها بالكامل..يعني بخليه على 2 وبيكون متوجه عليا مثلا واه بيكون الهوا بارد بس اجزاء من العربية بتفضل سخنة لو مش متتوجه عليها المكيف...وانا كنت اعرف ان المكيف بتاع العربية دي جامد..فهل في عيب عندي؟؟؟

رد: استفسارات عن اكسنت 2011
 

اولا الف الف الف مبروك على العربية وربنا يديك خيرها ويكفييك شرها
العربية المفروض فى اول 1000 كيلو متحولش تجيب ال100 كيلو حوال اخرك يبقة 80 - 90 لكن ان حضرتك بتقول ان الار بي ام على 2 وحضرتك على الرابع والعربية 60 اعتقد كده كويس وخصوصا انك لسة فى اول 1000
اما بالنسبة للتكييف المفروض حضرنك متشغلش التكييف خالص الاه بعد الالف كيلو علشان ميكونش حمل على الماتور لغايت اما الماتور زى بيقولو يطبع الف مبروك مرة ثانية ونستنة من حضرتك تقرير تانية عن العربية

رد: استفسارات عن اكسنت 2011
 

الله يبارك فيك يا فندم...ربنا يكرمك:)
انا مزودتش عن ال 90..انا بسأل بس هل سحبها دلوقت مظبوط كدة؟؟..وهل هيتحسن بعد صيانة ال 1000؟؟...انا دلوقت عاملة بيها حوالي 600..يعني قربت ان شاء الله.
وبالنسبة للمكيف..انا سمعت المعلومة دي..بس فعلا الفترة دي الجو لا يطاق..وبخلص الكلية عالساعة 3 او 4 يعني اسوأ وقت الواحد ممكن يروح فيه..فبضطر اني اشغله..
الافضل دلوقت ابطل اشغله يعني لحد موعد الصيانة ولا خلاص انا كدة كدة حملت عالماتور؟؟
اصل محدش قالي فالمعرض عالمعلومة دي..
والف شكر يا فندم على تعاون حضرتك..

رد: استفسارات عن اكسنت 2011
 

ألف مبروك و ربنا يكفيك شرها
أنا معايا اكسنت 2010عاملة 2600 كيلو ولما استلمتها من المعرض جربلى التكييف و قالى متشغلش التكييف قبل نهاية 1000 كم علشان الموتور بيلين لسة

رد: استفسارات عن اكسنت 2011
 

الف مبروك اخى على السياره

انا معايا اكسنت 2010 وانا طالع من المعرض كنت مشغل التكيف وحملت على اماتور والحمد لله مش زعلتنى فى اى حاجه انا عامل رقم محدش هيصدقه فى سنه وشهرين 97000 كيلو عارف ان محدش هيصدق بس انا مش ببطل سفر الحمد لله

فا يا اخى متقلقش اهم حاجه غير الزيت على اول 1000 كيلو ويفظل شيل 3000
على فكره العربيه ممتازه وثبتها حلو اوى
تحياتى اخى