مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   رينو لوجان Logan (https://www.masrmotors.com/vb/forumdisplay.php?f=160)
-   -   الحمد لله أستلمت لوجان أوتو الأسبوع الماضي (https://www.masrmotors.com/vb/showthread.php?t=89309)

Tota El Masry 11-06-2012 12:52 AM

الحمد لله أستلمت لوجان أوتو الأسبوع الماضي
 
الحمد لله الذي تتم بنعمته الصالحات أستلمت لوجي أوتو واين بلاك لاين
مش هيلوغريفي أنا بقول
لوجان
أوتوماتيك
نبيتي
بلاك لاين 2012

العربية ماشاء الله لا قوة إلا بالله ربنا يعطيني خيرها و خير ما جبلت عليه و يكفيني شرها و شر ما جبلت عليه

العربية ممتازة و ناعمة على الطريق
واسعة بشكل ملحوظ
عالية بشكل رائع
أوبشنز فوق الممتاز و بالذات عجلة القيادة متعددة الوظائف
لدرجة إن جارنا لما ركبها فضل يسمي و يكبر عليها و ما نزلش قبل ما يحطلي فيها مصحف و يقولي ركبي خرزة زرقاء
حتى السايس في الجراج عملها فرجة لكل إللي داخل و خارج و قعد يزل واحد جاب لوجان سوداء مانيوال بيها مع احترامي الكامل للملك الأسود أمبراطور الفخامة و الأناقة لكن أنا بنوتة و الآسود مش عملي شويتين معايا
المهم أول ما أصورها بأمر الله حنزل الصور بس ليا كام سؤال هاااااااام للغاية:
1 - اروح التوكيل أمتي علشان أضبط الكاسيت و التكييف (ضغط الفريون)
2 - لازم أثبت رخصة السائق في بوليسة التأمين و لا أكبر دماغي(ر بنا يسامحهم في شركة التأمين لما رعفوا ظروفي الصحية كتبوا مستوى القيادة ضعيف لكن أنا مش ندمانة على الصدق و الصراحة و ربنا المنجي من كل سوء) و حيبقى كويس أدفع تأمين للسائق و لا لأ و أعمل تأمين في التأمينات له و لا لأ؟
3 - متوسط يومية السائق 4 أيام عمل من 7 ص إلى 3 م (لأني بنزل 3 أساسي و يوم احتياطي و لو حاسبت السائق بالشهر حظلمه و أظلم نفسي فمشيها يومية علشان أوفر شويتين لأني مش بقدر أسوق خالص دلوقتي بسبب أثر حادث شرخ بالكوع و كذا جلطة في الذراع و أوردة قرب القلب)
4 - إيه أهم 3 حاجات لازم أجيبهم بعد تركيب النمر بسرعة للحفاظ على السيارة.
5 - السايس طلب مني المفتاح الأصلي الخاص بالريموت و بصراحة مش رديت أديهوله (مفتاح الريموت و السنترال) فلو طلبه تاني أقوله إيه حجة شيك غير إني مش فاكرة مكانه في زحمة البيت؟؟؟
6 - لو رخصت سنة و حبيت أرخص سنتين كمان لما ربنا يفرجها حيبقى سهل و لا صعب علشان أختكم توتة مزنوقة موت و مستلفة من عم حسن بتاع البيبسي بقية ثمن العربية "فرق الأوتو" علشان ضعف رجلي و أنحدار صحتي المستمر و لله الحمد؟؟؟ايه ياترى

جزاكم الله خيراً مقدماً و يا ريت حد يقولي ارفع الصور إزاي علشان أروح أصورها و أنزل لكم الصورROSE4Uبالكثير يوم الخميس إن شاء الله

أختكم في الله توتة المصري

Tota El Masry 11-06-2012 12:59 AM

رد: الحمد لله أستلمت لوجان أوتو الأسبوع الماضي
 
على فكرة فيها عيب خطيييييييييييييييييييير جداً
أنها عالية قوي و أختكم توتة مش بتبان من الدركسيون و ممكن أي أمين شرطة يقولي هاتي حد كبير معاكي يا ماما و طلب ولي أمري ربنا يرحمه و يحسن إليه و جميع أموات المسلمين و يجعل مثواهم الفردوس الأعلى
يعني من الآخر أختكم غرقانة زي صاحبنا ده :0832F7~168: في العربية بس الحمد لله أخويا راسه لأول مرة في مصر و العالم العربي يركب سيارة و مش يتخبط في السقف
معلش بقى أصله خد كل الطول و لما أتولدت أنا أخت فضلة التوب و بيحاولوا يعملولي ولة بس مش لاقين نفس اللون اللهم لا اعتراض

tarek elbadry 11-06-2012 01:00 AM

رد: الحمد لله أستلمت لوجان أوتو الأسبوع الماضي
 
الف الف مبروك عليكى العربية الجديدة
ان شاء الله تكون وش السعد عليكى

Tota El Masry 11-06-2012 01:28 AM

رد: الحمد لله أستلمت لوجان أوتو الأسبوع الماضي
 
ربنا يسمع من حضرتك أ/ tarek elbadry
بس كان نفسي ماما تكون معايا و تركبها و أفسحها فيها الله يرحمها قعدت في السرير 14 سنة بالشلل و ما خرجتش غير مرة واحدة من 4 سنين تزورني في المستشفى قبل ما تتوفى رحمة الله عليها
نسألكم الدعاء لها بالفردوس الأعلى هي و أبي و أخي و أموات المسلمين جميعاً

hexll 11-06-2012 02:08 AM

رد: الحمد لله أستلمت لوجان أوتو الأسبوع الماضي
 
السلام عليكم
الرد بلون مختلف

اقتباس:

المشاركة الأصلية كتبت بواسطة Tota El Masry (المشاركة 692161)
الحمد لله الذي تتم بنعمته الصالحات أستلمت لوجي أوتو واين بلاك لاين
مش هيلوغريفي أنا بقول
لوجان
أوتوماتيك
نبيتي
بلاك لاين 2012
ما شاء الله ربنا يكفيكي شرها ويديكي خيرها
العربية ماشاء الله لا قوة إلا بالله ربنا يعطيني خيرها و خير ما جبلت عليه و يكفيني شرها و شر ما جبلت عليه

العربية ممتازة و ناعمة على الطريق
واسعة بشكل ملحوظ
عالية بشكل رائع
أوبشنز فوق الممتاز و بالذات عجلة القيادة متعددة الوظائف
لدرجة إن جارنا لما ركبها فضل يسمي و يكبر عليها و ما نزلش قبل ما يحطلي فيها مصحف و يقولي ركبي خرزة زرقاء
حتى السايس في الجراج عملها فرجة لكل إللي داخل و خارج و قعد يزل واحد جاب لوجان سوداء مانيوال بيها مع احترامي الكامل للملك الأسود أمبراطور الفخامة و الأناقة لكن أنا بنوتة و الآسود مش عملي شويتين معايا
المهم أول ما أصورها بأمر الله حنزل الصور بس ليا كام سؤال هاااااااام للغاية:
1 - اروح التوكيل أمتي علشان أضبط الكاسيت و التكييف (ضغط الفريون)
لو الكاسيت مش راكب فى العربية روحي على طول ركبية فى التوكيل مجانا واعتقد ان الفريون كذالك
2 - لازم أثبت رخصة السائق في بوليسة التأمين و لا أكبر دماغي(ر بنا يسامحهم في شركة التأمين لما رعفوا ظروفي الصحية كتبوا مستوى القيادة ضعيف لكن أنا مش ندمانة على الصدق و الصراحة و ربنا المنجي من كل سوء) و حيبقى كويس أدفع تأمين للسائق و لا لأ و أعمل تأمين في التأمينات له و لا لأ؟
الصراحة حلوة وانا معرفش فى موضوع التأمين
3 - متوسط يومية السائق 4 أيام عمل من 7 ص إلى 3 م (لأني بنزل 3 أساسي و يوم احتياطي و لو حاسبت السائق بالشهر حظلمه و أظلم نفسي فمشيها يومية علشان أوفر شويتين لأني مش بقدر أسوق خالص دلوقتي بسبب أثر حادث شرخ بالكوع و كذا جلطة في الذراع و أوردة قرب القلب)
ربنا يشفيكي يا رب والاوتو مش بيتعب فى حاجة
4 - إيه أهم 3 حاجات لازم أجيبهم بعد تركيب النمر بسرعة للحفاظ على السيارة.
اهم حاجة فرش الكراسي . روحي عند سروجي نضيف وخلية يفرشلك الارضية والكراسي جلد واختاري انتي الالوان لان معندهمش زوق شوية
5 - السايس طلب مني المفتاح الأصلي الخاص بالريموت و بصراحة مش رديت أديهوله (مفتاح الريموت و السنترال) فلو طلبه تاني أقوله إيه حجة شيك غير إني مش فاكرة مكانه في زحمة البيت؟؟؟
بسيطة خليكي جرئية قوليلة مش بدي المفتاح لحد !!!
6 - لو رخصت سنة و حبيت أرخص سنتين كمان لما ربنا يفرجها حيبقى سهل و لا صعب علشان أختكم توتة مزنوقة موت و مستلفة من عم حسن بتاع البيبسي بقية ثمن العربية "فرق الأوتو" علشان ضعف رجلي و أنحدار صحتي المستمر و لله الحمد؟؟؟
ريحي دماغك واتصرفي ورخصي 3 سنين .. لانك دلوقتي مش حتتبهدلي فى الترخيص لان الصالة بتطلع معاكي واحد يرخصلك العربية ومعاة الافراج الجمركي ..
وربنا ميحكم عليكي تقفي فى طابور تستني الرخصة :(
ايه ياترى < ودا مالة

جزاكم الله خيراً مقدماً و يا ريت حد يقولي ارفع الصور إزاي علشان أروح أصورها و أنزل لكم الصورROSE4Uبالكثير يوم الخميس إن شاء الله
وانتي بتحطي موضوع حتلاقي زرار تحت اسمة ارفق ملف فى المشاركة

أختكم في الله توتة المصري



الساعة الآن 04:03 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017