مشكلة فتيس الاوكتافيا A4 و ِA5 الاوتوماتيك وطرق حلها
 

بسم الله الرحمن الرحيم
في البداية ارجوا من الادارة تثبيت هذا الموضوع لإفادة اكثر عدد من الاعضاء.

طبعاً كلنا اكيد عارفين المشكلة ديه وهيه فى موديلات من 2005 الى الله اعلم لأن باقى الناس لسه مكملتش 60 الف عالشان نقدر نحكم فيه ناس بتقلك لغاية 2008 بس ديه معلومة مش مؤكدة
وللى مش عارف المشكلة انا هقولها بإيجاز
" هيه بإختصار وجود نتشه خفيفه او كبيرة عند تغير النقلات . طيب وايه السبب
السبب هوة جزء في الفتيس بنسمية في مصر عقل الفتيس valve budy ودوة عبارة عن خريطة من المجارى الصغيرة بيتحرك جواها زيت الفتيس الى مع الوقت بتتكون فيه رواسب نتيجة الاحتكاك في الفتيس المهم ان الرواسب دية بتتراكم في عقل الفتيس
مما يسبب ضيق الفتحات التى يتحرك بها الزيت ويسبب النتشة"

طيب والحل ايـــــــــــــــــــــــ ــــه ببساطة انك تغير زيت الفتيس والفلتر بتاعه كل 60 الف كيلو على الاكثر بس المهم يكون الزيت الأصلى.
طبعاً الكلام دوة لو حضرتك جايب العربية معاك من الزيرو وبكده هتحافظ على الفتيس وان شاء الله مش هيكون فيه مشاكل معاك خالص

بس انا عامل الموضوع دوة عالشان الناس الى شارية العربية ديه مستعمله ومش متأكدين انها عملت صيانة ال 60 الف وغيرت زيت الفتيس والفلتر بتاعه ولا لأ.

احنا عاوزين نحط ايدينا على المشكلة عالشان بصراحة كل واحد بيبوظ عندة عقل الفتيس بيبقى صيده لكل الميكانيكية ومبيبقاش عارف يعمل ايه وفى الغالب بيضحك علية وفى الاخر بيروح التوكيل وبرده التوكيل بيشتغله وبيدفعة مبلغ كبير جدا :fun_36_1_44[1]:

نتكلم في صلب الموضوع MADDRIVE

انا بنصح كل واحد اشترى العربية ديه وماكنشى يعرف موضوع الزيت دوة أو انه مش متأكد من ان الراجل الى شارى العربية غيره ولا لأ
انه يغير الفلتر بس "انا طبعا قصدى الفلتر بتاع زيت الفتيس" ويمشى بالعربية شوية حوالى 2000 كيلو وبكده يكون حد شوية من موضوع الشوائب الى في زيت الفتيس وممكن يكرر العملية دية مرة كمان حسب حالة الشوائب وبعديها يتوكل على الله ويغير
الزيت والفلتر بتاعه وهوة مطمن وكمان وهوة عند الميكانيكى الى بيغيرله زيت الفتيس انه يغيره بالطريقة الصحيحة وهيه كالأتى
الاول لازم تعرف ان الفتيس بياخد 8 كيلو زيت ودول كلهم لازم يتزلو فيه قربة بداخل الفتيس بتاخد 3 كيلو والفتيس بياخد 5 كيلو طيب ايه هيه الطريقة الصحيحة لتغيير الزيت هيه كالأتى يفك الطبة بتاعة القربة وهية فى الجنب وينزل كل الزيت الى فيها وبعدين
ودية مهمة جدا جدا يفك الطبة بتاعة الفتيس وينزل حوالى كيلو واحد وبعدين يزود زيت ماتور عادى من الرخيص ويكرر نفس الخطوة ديه الى بنسميها غسيل الفتيس يعنى نفضل ننزل كيلو وبعدين نحط كيلو وبعدين ننزل 2 كيلو ونحط كيلو وهكذ لغاية لما الزيت
كله ينزل خالص
كدا احنا نزلنا الزيت كله بكل الشوائب الى فيه نقوم بقى نحط الزيت الجديد ونركب الفلتر بتاعه وان شاء الله كله هيكون تمام
:THE_PR~18:
والله الموفق

رد: مشكلة فتيس الاوكتافيا A4 و ِA5 الاوتوماتيك وطرق حلها
 

تحياتي الي مجهودك
بس فس حاجة صغيرة بلاش تغسل بزيت موتور
لانك مهما نظفت لازم يتبقي منه جزي استعمل زيت بور نوع رخيص في الغسيل
ثم امشي علية 100 ك وبعدين حط مواصفات الزيت المناسب
ثانيا ياريت تصور مكان طبة القربة علشان معلوماتي ان القربة لايوجد بها طبة
وماتعرفش توصلها غير لما تنزل الفتيس
ودي صورتها واسمها بالغة الانجليزية Torque Converter


http://www.google.com.eg/imgres?q=%D...&tx=143&ty=120

رد: مشكلة فتيس الاوكتافيا A4 و ِA5 الاوتوماتيك وطرق حلها
 

كلام سمعته من فتره والعهده ع الراوي
ان التجار العربيات المستعملة بيغشوا ف زيت الفيتيس بانهم لو اشتروا عربية بينزلوا زيت الفيتيس بتاعها الالماني وياخدوه ليهم ويحط زيت اي كلام مكانه والكلام ده مش هيأثر مع السواق اللي سواقته مفيهاش حرق غير بعد فتره اما اللي بيسوق بسرعه وبيحرق ع الغيارات العربية هتجيب فيتيس معاه ( كان بيقول الفيتيس ثمنه 15 الف )
الكلام ده من واحد المفروض تاجر عربيات قابلته عند السمكري بتاعي

رد: مشكلة فتيس الاوكتافيا A4 و ِA5 الاوتوماتيك وطرق حلها
 

عزيزي

لايفضل استعمال زيت المحرك في تنظيف الفيتس الاتوماتيك

الافضل تغييرة مع الفلتر في التوكيل

اذا تم تغيير زيت الفيتس مع الفلتر كل 20000كم الى 25000 كم يكون وتنسى شيء اسمة

تلف ال Body Valve

شكر وتقدير

تحياتي

سيف

العراق

رد: مشكلة فتيس الاوكتافيا A4 و ِA5 الاوتوماتيك وطرق حلها
 

بسم الله الرحمن الرحيم
العربيات ديه الفتيس بتاعه اسمه DSG وهوة في الباسات والجيتا وبالنسبة للطبة الثانية بتكون على الجنب مش اسفل الفتيس كان واحد معاه باسات عامل مشاركة بتغيير الزيت كله وكان فيه فيديو بس للأسف مش لاقيه ان شاء الله هدور عليه وهحطه عالشان الكل يستفاد وبعدين انت لو غيرت الفتيس بس هيكون فيه 3 كيلو جوة الفتيس مليانين رايش وشوائب فننصح الى يغير الزيت انه يغيره كلة

وبالنسبة للخطوة الاهم هوه انك تغير معاه الفلتر بتاعه هــــــــــــــــــــام جدا جدا
فيه ناس كتير وكمان على فكرة فيه توكيلات مش بيغيروه ومش عارفين دوة ايه اصلا وبيغيرولك المصفة بتاعه الفتيس بس الى هيه جوة الفتيس ومكان الفلتر هتلاقية تحت الغطاء بتاع البطارية لذا ننصح اى حد بيغير زيت الفتيس انه يغير الفلتر دوة
ودوة الفيديو

http://www.youtube.com/watch?v=tBYQnjur_wg

http://www.youtube.com/watch?v=2iFLxpVYE2I

شوفو الفلتر طالع ازاى كله شوائب

http://www.youtube.com/watch?v=rlDJysb-S50

المهم يا جماعه انك لما تروح وتعمل اى حاجه لازم تكون عارف ولو قليل عالشان تتطمن ان الشغل الى انت دفعت عليه فلوس مصناعيه اتعمل صح ولا لأ

مش بعد لما تدفع الفلوس وتمشى بعدها شوية تلاقى المشاكل ظهرت وتطلع تأنب نفسك