اياكم و السفر بدون نوم
 

الموضوع ده عن تجربة حقيقية انا في القاهرة واقف تحت البيت شلت غطا العربية سخنت و هنطلق اروح لاصحابي شوية يوم الخميس الساعة 10:30 ليلا و انا بكلمهم في التليفون و لسه هركب و امشي التليفون رن والدي هو المتصل (كان في سفرية لدمياط تحديدا قبل دمياط ب 7 كيلو)ايوا يا محمد ابوك عمل حادثة!!!!!!!!!!!!!!!!!!!! !!!!!!!!!!!!!!!!!!!!!!!!! !!!!!!!!!!!!!!!!!!!!!!!!! !!!!!!برجله و لخبطه و ذعر و حالة ما يعلم بها الا الله ضربات القلب ولا 120 ضربة في الدقيقة الحمد لله صدرت من والدي الجملة اللي كان نفسي اسمعها منه (انا كويس الحمد لله طلعت سليم و مفيش حاجة)اكن ميه ساقعة نزلت عليه بالظبط و انا في عز الحر

طب ايه حصل عدة عوامل(ارهاق+عدم نوم+نور العربية مش كويس+اضاءة منعدمة في الطريق+سرعة مش عالية 80 كم تقريبا لكن في الاصدام طبعا كان ليها اثر)=والدي دخل بالعربية في اللسان اللي قبل مطلع كوبري بالمرسيدس نتيجة الارهاق و مشافش كويس طلع بالعربية فوق الرصيف و ستر ربنا مفيش عواميد نور......

الاضرار في العربية:صدر العربية اتكبس لجوا و الردياتير قريب جدا من الارض صدر العربية لما اتكبس خلا الرادياتير يزنق علي المروحة مروحة صلب و تقيلة جدااااااا طار منها ريشه و الرادياتير بيجيب مياه حاليا

الحمد لله ليا معارف هناك تاجر قطع غيار سيارات فولكس و سيات كلمته كان خارج دمياط بعت ناس قطروا العربية و نزلوها من فوق الرصيف و ودوها عند محلات صاحبي التاجر و الصبح بدري الصدر اتعدل الي حد كبير بزرجينه و حطوا ميه و دارت العربية و هي تصدر اصوات عجيبة لم ارها في مرسيدس من قبل

النهاردة بليل سوقتها العربية كلها مفكوكة من بعضها صوتها علي و المروحة صوتها فيه زنه غير مريحة و انا اعد العربية كلها بتترج و ده مكانش بيحصل قبل كده سحبتها مش زي الاول مش عارف ليه فيه لحامات في الصدر لازم تتعمل عند سمكري....

حمدت ربنا ان والدي بخير و في داهية العربية و هتتظبط الاضرار مش ضخمة و شاسيه العربية سليم بس شوية اصوات كده هتتظبط في الصيانة ان شاء الله

الخلاصة للمسافرين كونوا حريصين علي انفسكم و علي اولادكم اللي انتوا سايبينهم في البيت بلاش سفر من غير نوم بلاش جري بالعربية خصوصا لو عربية 180 حصان!!
نور العربية لازم دايما يبقي متظبط و قوي و لمبات شديدة وجود كاسيت او شخص يسليك في السكة لان السكووووووووت يبعث علي الملل و النوم.......

نور كويس+سرعة معقولة+نوم عميق قبل السفر+رفيق علي الطريق+توفيق ربنا=توصل بالسلامة بأذن الله:)

رد: اياكم و السفر بدون نوم
 

الف حمدلله على سلامه الوالد يا محمد
والحمد لله انها جت فى العربيه
انا فى مره عربيتى اتخبطت خبطه جامده جدا وكنت نازل خلاص اقتل الراجل لقيت راجل كبير بيقولى الحمد لله حصل خير اللى يجى فى الحديد مش مهم
فلازم تحط المقوله دى فى دماغك اللى يجى فى الحديد مش مهم المهم البنى ادم
والحمد لله والدك بخير وفداه مليون عربيه (ابيزا)
ولو محتاج اى حاجه انت عارف

رد: اياكم و السفر بدون نوم
 

الف حمد لله على سلامة الوالد يا محمد والحمد لله انها جت على قد كده قدر الله وماشاء فعل

انا شخصيا الحمد لله مش بنام ابداً وانا سايق بس لما بكون مش نايم كويس بسوق بعصبية جامدة جدا وطبعاً ده برضو غلط فانا معاك فى ان الراحة العصبية عامة مهمة جدا فى القيادة ده حتى لو جوه المدينة فمابالك او سفر كمان

قدر الله وماشاء فعل وربنا يكفينا جميعا شر الغفلة

رد: اياكم و السفر بدون نوم
 

رد: اياكم و السفر بدون نوم
 

معلش يا محمد .... كفايه الخضه لوحدها
بس طالما الوالد بخير .... يبقى الحمد لله و جت سليمه
مش مهم اي حاجه تاني بعد كده ... وكله بيتصلح
اللي يجي في الريش....... بقشيش