لانوس 2009 كاملة VS فيرنا 2009 كاملة --- ( مانيوال )
 

السلام عليكم ،

انا عضو جديد معاكم في المنتدي

من اسكندرية ( العجمي )

و ناوي بأذن الله انزل بعد العيد اجيب عربية جديدة

للمعلومية انا طالب في كلية الهندسة و عندي مشواير يومية لا تقل عن 100 كيلو ،

ف من رأيكم ايه اللي ينفع معايا لانوس ولا فيرنا ( فول اوبشن في الحالتين )

طبعا العربية في جميع الاحوال مش عاوزها تزيد عن 75 الف ،

عاوز مقارنة ما بين العربيتين في الكفائة و الاعتمادية و الدعم ما بعد البيع و الصيانة و قطع الغيار و استهلاك البنزين

لو سمحتو ساعدوني لأني هتجن بجد من المقارنة ما بينهم

اللانوس عربية شعبية من الطراز الاول و بياعة

و الفيرنا ناس كتير حذروني منها و في نفس الوقت كتير بيشكرو فيها و بشوفها في الشارع بكثافة

يا ريت لو حد يقدر يساعدني في القرار و اكون شاكر جداً ليكم

رد: لانوس 2009 كاملة VS فيرنا 2009 كاملة --- ( مانيوال )
 

اهلا بيك يا نور فى مصر موتورز

بالنسبة للمقارنة بين العربيتنين فتاكد انها مش هترجح واحدة منهم على الاطلاق ضد التانية لان الاتنين قريبين جدا من بعض فى كل حاجة لكن ابرز السمات بين الاتنين ممكن نقول
الفيرنا موتورها اقوى وده بيظهر فى السحب جدا
الانوس ممكن تمشى معقولة ببنزين 90 او 80 الفيرنا ببنزين 80 بتبقى بشعة وبتسعين بتسقف منك جامد (وده راجع لنسبة الانضغاط الاعلى فى الفيرنا)
اعتمادية الفرامل فى الفيرنا اقل
اعتمادية المساعدين فى الانوس اقل
اعتمادية منظومة الحقن فى الانوس اقل

الاتنين وارد فيهم عيوب تقفيل

الاتنين قطع غيارهم وصيانتهم سهلة واقتصادية
الاتنين استهلاك البنزين متقارب
الاتنين الثبات بتاعهم وحش

رد: لانوس 2009 كاملة VS فيرنا 2009 كاملة --- ( مانيوال )
 

و ائل فرامل الفيرنا احسن من الانوس بمراحل و انا عندى الاتنين و بجد الفيرنا بالنسبه للانوس حاجه وهم

و ادى مقارنه فى السريع كده

شيفورليه لانوس ما اقدرش احكم عليها من غير ما اجربها مع ان كل الناس بتقول انها هيه هيه الانوس و انا متفق معاهم عى كده بس لسه ماسوقتهاش علشان افيد حضرتك تقريقرى ده هايكون بخصوص شقيقتها الدايو لانوس و على فكره اخويا معاه و احد و دى انا اللى مشتريها ليه اصلا

العربيتيين متفقين مع بعض فى نفس الفئه السعريه
لكن الفيرنا بموتور 1600 ذو كامه مزدوجه بيولد قدره حصانه 106 حصان على 5800 ار بى ام (الفا2 ) 16 صباب
الانوس موتور 1500 كامه علويه فرديه بيولد طاقه 85 حصان عند 4900 ار بى ام غالبا 8 صباب


ثبات الفيرنا سيى من بعد ال120 لازم تركب جنوط 14 لو انت من هواه الجرى لكن مشاويرك كلها داخل البلد برعه 90 الى 120 ما فيش مشكله

الانوس افضل من الفيرنا فى الثبات لكن بنسبه بسيطه الى0 15 كيلو متر و برضو لازم جنوط


التقفيل فى الاتنين واحد لكن فى الانوس افضل بنسبه بسيطه لكن فى اقاويل انه فى 2008 بقى سيى جدا

ميزه الفيرنا ان موتورها قوى جدا جدا و معدل استهلاكه للوقود مثل معدل استهلاك الانوس و ايضا التكنولوجيا اللى بتستخدمها الفيرنا احدث من الانوس بحيث ان الفيرنا موتورها انتج عام 2005 و الانوس لسه معتمده على موتور بتكنولوجيا من سنه 1998

لكن بصراحه مواتير الانوس معمره بالنسبه للفيرنا لسه ماوضعتش فى اختبارات علشان نقدر نقول الموتور ده معمر ولا لا

لكن اللى ظاهر حاليا ان الموتو جيد جدا جدا حتى استخدام 150 الف كيلو

علشان كده انا فضلت الفيرنا و خصوصا انى هاتغلب على مشكله الثبات بالجنوط

فرامل الانوس عقيمه جدا جدا ماتساعدكش خالص بعكس الفيرنا افضل من الانوس فى النحيه دى

رد: لانوس 2009 كاملة VS فيرنا 2009 كاملة --- ( مانيوال )
 

رد: لانوس 2009 كاملة VS فيرنا 2009 كاملة --- ( مانيوال )
 

معاك فى الحته بتاعه

مشكله الطنابير بس تابع كده كل الانوس الجديد الناس كلها بتشتكى من الطنابير بتاعه الشيفورليه لانوس و ان كانت الشكورى اقل من الفيرنا

و زى ما انت عارف ان مشكله طنابير الفيرنا بتنتهى مع اول زياره للتوكيل و بتغيرها على الضمان

نيجى بقى للفرامل ككل

احنا عارفين ان العربيتيين طنابير 13

بس تعالى بص على تيل الفرامل بتاع الانوس و شوف طول و عرضه قد ايه و قارنه بالفيرنا هتلاقى بتاع الانوس عباره عن طفل صغير جنيه

و بجد بشهاده من ناس كتير معاه لانوس ان الفرامل بتعتها سيئه جدا جدا و انا اولهم ماعدا اخويا اللى بيشكر فيها جدا

و انا عن نفسى معايا العربيتيين و اكاد اجزم ليه ياوائل ان الانوس فرملها تعبانه جدا جدا

عيب الفيرنا ان موتورها قوى لكن فرملها بالنسبه للانوس abs ههههههههههههه