بلى العجل لكوردبا 1994
انا بسمع وانا ماشى بالعربيه وخصوصا على السرعات المتوسطه والعاليه صوت ونه وبحس بخشونه رهيبه فروحت للميكانيكى قالى اسطوانه ويسك غيرتهم ولكن الصوت زى ما هو فقالى الجير بوكس عايز يتغير التروس الداخليه اتهرت وبتعمل الونه فروح الاول غير زيت جير لو الصوت مرحش يبقى الجير عليه العوض فعلا روحت غيرت زيت وصوت الونه زى ما هو ففى اصدقاء ليا قالولى بلى العجل ممكن يكون استوى طالما فى خشونه
عايز من حضراتكم تقييم الموقف |
رد: بلى العجل لكوردبا 1994
السلام عليكم لو العيب في الفتيس هيظهر في اي غيار واي سرعه ارفع العجلات وهزها للداخل والخارج لو في بوش او لبه يبقى عيب بلي العجل ومعلش هل الصوت بيظهر وانت واقف ودايس دبرياج وهل في صوت وانت واقف وممور العربيه والله المستعان |
رد: بلى العجل لكوردبا 1994
يعنى الصوت ابتداء من الثانى عند بدء القرص على الغيار ويستمر الثالث وهكذا عند القرص على الغيار
لأ مفيش صوت وانا دايس على الدبرياج لأ مفيش صوت والعربيه مموره الموتور طبيعى |
رد: بلى العجل لكوردبا 1994
السلام عليكم للحكم على الفتيس او البلي امشي بالعربيه في مكان هادي واقرص عليها اول ما تسمع الصوت واضح مور العربيه وشوف لو الصوت مازال موجود يبقي العيب في البلى لو الصوت راح يبقي في مكان تاني غير البلي معلش جرب والعربيه واقفه ومش واخد اي غيار زود بنزين واسمع هل في صوت ولا لأ لأن ممكن يكون الصوت جاي من مكان تاني غير البلي والفتيس ومتابع معاك:fun_36_1_39[1]: والله المستعان |
رد: بلى العجل لكوردبا 1994
منتظر منتظر منتظر
|
الساعة الآن 05:21 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017