|
كلام من القلب ....وبطريقة البسطاء ....الجالسين على المصاطب
قعد عويس مع خميس على المصطبه وكل واحد فيهم شادد ديل جلبيته تحت منه ومربع وراحوا داخلين فى حوار الإنتخابات الرئاسيه عويس ....كان راجل بسيط ولكنه كان راجل مدقدق ودايما كان راضى بقضاء الله خميس ....كان مكار شويتين ودايما مقتنع إنه ممكن يلف على أى واحد بسهوله ------------------------- بدأ الحوار وحب خميس ينكش عويس خميس .....أنتخبت مين النهارده ياعويس عويس .....حمدين صباحى خميس ....جاتك خيبه ...طيب ماكنت تنتخب الفريق / شفيق دا الفريق راجل عمل المطار ( حاجه محترمه ) وعنده خبره فى كل الأمور السياسيه والعسكريه عويس ....قاله ( أنا حر ) أنتخب إللى عاوزه أنا أعمل إللى مقتنع بيه ....وليكن مايكون خميس .....حر ( فى تعجب من عويس ) عويس ....أيوه أنا حر ...دى إنتخابات وأنا عارف إن ممكن ينجح حمدين ومممكن مينجحش وحتى لو نجح فلان الفلانى هو ده إللى هيصلح الكون ........؟ متصحصح معايا ياخميس عمر بلدك ما هتنجح بفلان ....بلدك هتنجح بينا أحنا مش إحنا إللى خلعنا المخلوع ....يبقى إحنا الأساس يبقى إللى هيجيلك ده ....مجرد رمز يمثلك بين الدول أما إللى هينهض بمصر ....هو شعبها ( مش رئيسها ) ------------------------------------- وظيفة الرئيس فقط ....هو متابعة مايفعله المرؤوسين فرئيس شاطر بدون مرؤوسين شطار يبقى ولا كأنك يا أبو زيد ماغزيت -------------------------------------- |
رد: كلام من القلب ....وبطريقة البسطاء ....الجالسين على المصاطب
عمر بلدك ما هتنجح بفلان ....بلدك هتنجح بينا أحنا مش إحنا إللى خلعنا المخلوع ....يبقى إحنا الأساس عم عويس فاتته حاجه هنا فى الكلام ده البلد لم تنجح بينا ياعم عويس ونحن ليس فى ايدينا شئ والله لولا الله ما اهتدينا **** ولا تصدقنا ولا صلينا اعتذر ليك عم عويس بس فى حاجات مش ممكن تتنسى |
رد: كلام من القلب ....وبطريقة البسطاء ....الجالسين على المصاطب
اقتباس:
ماهو عم عويس كلامه واضح لماقال فيما معناه إحنا الأساس ....وبلدنا مش هتنجح إلا بينا وعمرنا ما هننجح إلا بمراقبة الله كبيرنا قبل صغيرنا |
رد: كلام من القلب ....وبطريقة البسطاء ....الجالسين على المصاطب
لا مش هاقتنع
هو برضو نسى يقولها لخميس لازم خميس يفهم ان الله يمهل الظالم **حتى اذا اخذه *** لم |
رد: كلام من القلب ....وبطريقة البسطاء ....الجالسين على المصاطب
اقتباس:
جل من لايسهو فالكمال لله |
| الساعة الآن 06:43 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017