اسعار بعض قطع الغيار شيروكى 99 اتوماتك 6 سلندر
 

الاعضاء المحترمين بعد التحية: كنت بشترى اليوم 11/1/2015بعض قطع غيار شيروكى 99 اتوماتك 6سلندر من مركز خدمة المصانع الحربية بطريق السويس وهذه اسعار بعض القطع لمن يهمه الامر.
طقم تيل فرامل امامى 870 جنية - سير موتور 450 جنية- فلتر زيت112 جنية- طلمبة بنزين كاملة 3800 جنية- طقم بوجيهات300 جنية- فانوس امامى كامل 600جنية- قاعدة موتور 1300جنية .
مقابلة الموظفين محترمة وممتازه

رد: اسعار بعض قطع الغيار شيروكى 99 اتوماتك 6 سلندر
 

مشكور على النقل و الافادة ...بس انا ليا تعليق صغير ....

اكيد دى قطع الغيار الاصلية ..
دى غالية جداااا ... مقارنة بقطع الغيار غير الاصلية

:fun_wallbash:

رد: اسعار بعض قطع الغيار شيروكى 99 اتوماتك 6 سلندر
 

فعلا دى قطع الغيار الاصليةمن فرع مصنع صقر بالكيلوا اربعة ونصف طريق مصر السويس ، النهاردة نزلت الحرفيين واشتريت طقم تيل فرامل "هندى" بسعر200جنية، وفلتر زيت ب50 جنية من محل قطع غيار الامريكيشن وركبت التيل فى احد الورش هناك بمبلغ 40 جنية، وعلى فكرة ده اغلى طقم تيل فهناك طقم يبداء من 50 جنية

رد: اسعار بعض قطع الغيار شيروكى 99 اتوماتك 6 سلندر
 

لو فيه احد الاعضاء المحترمين يفيدنى بأن مافعلته صح ام غلط لاننى جديد بالنسبة للشيروكى وليس لدى اى معرفة بالجيب نهائيا، وكمان انا عاوز اركب كاوتشات لقاعدة الموتور

رد: اسعار بعض قطع الغيار شيروكى 99 اتوماتك 6 سلندر
 

ربنا يباركلك فى عربيتك ....

فى اى ماكينة ... مش فى العربيات فقط .... تجيب قطع الغيار الاصلى تخلى العربية تعيش معاك و تريحك ... حتحط قطع غيار مش اصلية .... حتتعب شوية
الحل ان حضرتك تجرب قطع الغيار بالتدريج علشان تكتسب خبرة
و ممكن حضرتك تركب قطع الغيار الاصلية المهمة ... زى قواعد الموتور .. الاويل سيلات ... رولمان البلى
انما تيل الفرامل .. الكشافات .. دى ممكن تجيبها تقليد