هل تشغيل المكيف والعربية دايرة غلط ؟
السلام عليكم ورحمة الله وبركاته على أهل المنتدى
أنا كنت راكب جنب واحد صاحبى وهو سايق ولقيتة كل لما ييجى يشغل او يطفى المكيف بيوقف العربية الأول وبعدين يشغل أو يطفى المكيف وبعدين يتحرك بالعربية تانى. ولما سألته قالى لازم كده عشان المحرك والكمبريسور ميحصلهمش حاجة. هل الكلام ده صح؟ ولا عادى أن الواحد يشغل المكيف والعربية بتتحرك عند اى سرعة؟ |
رد: تشغيل المكيف
اعتقد هوا بيبالغ اوي
انا اكتر حاجة سمعتها انك تتأكد لما تيجي تدور العربية ان التكييف مطفي يعني تدور العربية و بعدين تشغل التكييف لكن صعبه اوي تبطل العربية و تدورها تاني كل ما تكون عايز تشغل او تطفي التكييف ايه المنطق فيها يعني ؟؟ ايه الفرق لما تشغل التكييف و العربية دايره عن انك تطفي العربية و بعدين تشغلها و يعدين تشغل التكييف |
رد: تشغيل المكيف
هو زي ما الباشمهندس احمد بيقول صاحبك بيبالغ اووووووي
هما فيه ناس بتقول ما تشغلش المكيف و انت واخد سرعه او علي rbm عالي علشان علي كلامهم بيقولوا ممكن الكمبروسر لما يلقط علي سرعه عاليه يتحرق فعلشان كده لما تحب تشغل التكيف تمور العربيه او تودس دبرياج و تشغله بس انا بصراحه ما عملتهاش لاني مش مقتنع بالكلام دا |
رد: تشغيل المكيف
اقتباس:
|
رد: تشغيل المكيف
اكبر غلط انك تدور العربيه وانت مشغل التكييف بيكون حمل كبير على العربيه
انا عن نفسى لما اشغل التكييف بكون على السلانسيه و لو كنت ماشى بدوس دبرياج لحد ما الار بى ام يوصل ل 1 و اقوم مشغله |
الساعة الآن 11:40 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017