مصر موتورز مجتمع السيارات - انهاردة روحت المصرية للسيارت اتفرج علي العربيات ويارتني ما روحت

اولا بسم اللة الرحمن الرحيم
اعذروني لاني ممكن اطول عليكم في الموضوع دة
انهاردة حبيت اروح المصرية للسيارت عند كلية البنات روكسي اتفرج علي العربيات لاني عايز اشتري سيارة المهم دخلت اول عربية شفتها كانت اسبيرانزا ام 11 لونها بيج المهم انا عارف عنها كل حاجة بس حبيت استعبط بصراحة وادخل فيها واسئل احد المندوبين عنها وعن الماتور وكدة
المهم مسكت واحد قولتلوا لو سمحت العربية دي بكام اول شي استفذني راح يفتح الورق ويعرف دي سعرها كام (دا انا مش شغال في المهنة وتقريبا حافظ الاسعار)ما علينا عديتها قولتلوا العربية دي ماتورها بلدوا عايزكم تتخيلوا المفاجأ [قالي الماني صرف انا سمعت كدة وعرفت انوا ..........
قعدت الف ودخلت النيو اكسنت بصراحة عربية عجبتني اوي شكلا ومضمونا وكذالك الافيو بس ناس كتيرة اشتكت منها
شفت عربية بصراحة حسيت اني في طربة وفعلا الطرب جنبيهم عالطول الماهيندرا سكوربيو عربية فعلا بجد شكلها وحش جدااااااااا وسعرها عالي اوي ويقولي عليها وحش الصحراء
المهم كملت فرجة وروحت قاعد قدام واحد تاني وسالتوا سوال قولتلوا ماتور الام 11 نوعوا اية قالي اتحاد اوربي خدوا بالكم من الاجابات المختلفة في نفس الوقت ومن نفس الشركة
الحاجة الي لفتت انتباهي بجد وخاتني منزعق من الشركة الناس الي بيشتغلوا فيها تحس كدة انهم باردين مالهمش في العربيات اساسا كل سعر اسال علية يروح يبص في الورق ميعرفش كمايات العربية ميعرفش الفرق بين 8صباب و 16 صباب لا بجد الناس الي هناك لا ينموا باي صلة بالسيارات الشغلة دي الي انا اعرفوا انها تكون هواية قبل ما تكون عمل الرسمي دا في واحد مكنش عارف يفتح الكبوت بتاع العربية مش عارف الشنكل فين ينهاري عليا
دا لا يعني ان في ناس محترمة وبتفهم بس الاغلبية ..................
انتوا شايفين اية بقة بالموضوع دة
وخاصة ان انا حسيت اني مرواحي ملوش اي لزمة وحرقت بنزين علي الفاضي وراجع مش عايز اعتب الشركة دي تاني بسبب المعاملة