|
ارجوا افادتي
لو سمحت يا جماعة انا عاوذ اعرف منكم حاجة لية العربيات الحديثة اقل حادثة بتخليها علبة صفيح يعني العربيات القديمه لو عملت حادثة تلقيها فيها الصحة ومشاكل تصاليحها مش متير حاجات بسيطة ويمن استعدلها عن سمكري انما الحديث التغيير علطول مفيش كلمة http://photos-b.ak.facebook.com/phot...60801_3216.jpg المفرود انا الشركات بتعرف عيب القديم وتقدمه بالانتاج الحديث ودة اللى حصل فعلا التغيير بيبقى في الشاسية في الصالون الداخلى من حيث وسعة ونظافته وجماله والشكل الخارجي كمان وقوة وعزم الماتور طبعا مفيش اعتراض في التحديثات دي بس نسيوا وخلوا الصاج اقصد الكارتون بالشكل دة صعبة اوي طيب كانوا يخلوا الكلام دة للعربيات القديمه علشان لو الواحد لقدر الله عمل حادثة يبقى مايحزنش على فلوسه انما الحديث اللى اقل حاجة جديدة بــ70.000 الف جنيه دة اقل حاجة http://www.wreckedexotics.com/corvet...041123_003.jpg اظن بعد الصورة دي الكل هايكرب هامر ربنا يكفينا جميعا شر الحوادث سواء قديم او جديد http://www.5zna.com/download/634480fb6db4a600.jpg طريق حلوة كلام في سركم لو عاوذ تخلص من الرغي من اللى بيبقى معاك في العربية استعمل الحزام دة http://www.artonline.tv/uploads/Red%20Dragon/car.jpg ارجوا لو حد عندة فكرة عن سوء التصنيع دة يفيدني |
رد: ارجوا افادتي
عشان كدة انا بحب دايما العربيات القديمة عربيات فيها الروح ولو صرفت عليها وشدتها صح تكون احسن من الجديدةانا عربية والدى كانت مرسيدس موديل 77 كنا راكبين 7 فيى العربية واخد مطب بسرعة بيها والحمدللة محصلش ليها حاجة القديم دايما بخيرة
|
رد: ارجوا افادتي
اولا يا باشا انا بشكرك على الموضوع دة و ربنا يكفينا جميعا شر الطريق ثانيأ : تحليلاتى يارب اكون موفق بها طبعا لا أحد يستطيع ان ينكر قوة صاج القديم عن الحديث ربما بمراحل أيضأ لكن هناك تحليلات شخصية لدى فى الماضى فى العالم عامة و فى مصر خاصة زاد عدد السيارات اضعاف اضعاف الاضعاف فى فترة و جيزة للغاية زمان من كان يمتلك سيارة فهو مثلا الباشا أو كذا أو كذا طبعا مع زيادة و أكتظاظ الطرق بالسيارات طبيعى يزيد معة الحواداث اما فى الماضى كل حين و فين تلاقى عربية الباشا معدية و الطريق فااااااااااااااااااضى و الدنيا حلوة ايضا مع التطور المزهل فى تقنية السيارات اصبحت بالتالى السرعة اعلى من سالف عصرها بمراحل على سبيل المثال كان نهاية عداد المرسيدس فى الستينات 110 كم و الاغلب فى باقى الماركات 80 كم فلو حتى السائق قفل العداد مع خلو الطرقات فتصبح الدنيا حلوة و سهل التحكم فى العربية على هذة السرعة اما الان اقل تابلوة من 200 كم / س و انت طالع و طبعا مع الوقود البنزين زاد سحب السيارات و معدل السرعات فالأغلبية يسيرون على 120 - 160 كم / ساعة و احيانا اكثر مع زحمة الطرق و خلافة هذا من شأنة زيادة عدد الحوادث و نتيجة للسرعات الرهيبة و نظرية الفعل و رد الفعل تكون الحادثة مدوية بالطبع اتمنى ان يكون تحليلى واقعى الى حد ما اتمنى لكم جميعأ السلامة تقبلوا تحياتى و تقديرى |
رد: ارجوا افادتي
يا ريس
هاو ميهموش في الحوادث غير انه يحمي الكابينه بمعني اخر في ستين داهية العربية المهم اللي جواها السيارات القديمة المصفحة كان امانها ضايع كنت بتتفعص في علية حديد طبعا المبدأ ده مش مناسب في مصر اوي لانهم مبيعملوش حساب الكلاب اللي بتطلع علي السقف و الشباب اللي بيعتبر العربيات اللي الشارع امتداد لفكرة المصطبة القديمة و في الاخر كحوادث كله بيتطبق و كله بيتصلح |
رد: ارجوا افادتي
بالظبط زى ماقال احمد انور
المعيار دلوقتى فى حماية الراكب فى المقصورة (الامام والخلف) ودلوقتى كمان للمشاة علشان تاثير الصدمة بتاعة العربية (لوخبطت حد لاقدر الله) يكون قليل بقدر المستطاع كمان من ضمن الوسائل اللى بتستخدم فى كده تصميم جسم العربية بشكل يحتوى على اجزاء تسمى (نقاط الانهيار الذاتى) وديه بتخلى الصاج يتقطم عند ضغط معين فيمتص جزء من الصدمة بدل ما ينقلها للجزء اللى بعدة وبالتالى توصل للكابينة جزئية تانية مهمة جداً ان زمان كانت كل العربيات مزودة باكصدامات صلب وديه كان ليها دور كبير فى تحمل الصدمات لكن دلوقتى اكصدمات العربية والصدر كمان بيبقى فيبر وبيحطوا وراه مواد شبيهه بالسفنج علشان تمتص الصدمة اكتر لكن طبعاً تاثير الصدمة بيبقى اكبر http://bringatrailer.com/wp-content/...vor_Rear_1.jpg http://www.ericsaabsite.com/Appearance/BumpersOff.jpg تخيل مجازا ان واحد بتجرى وشايل على صدره كارتونة فيها سنفج وخبط فى الحيطة (لزق) وواحد تانى شايل كرتونة فيها طوب وخبط نفس الخبطة مين هيتأثر اكتر ديه ببساطة نفس الفكرة زى ما قال احمد امتصاص الصدمة حفاظاً على المقصورة هو الاولوية دلوقتى لكن من ناحية تانية برضو خامات التصنيع والانتاج التجارى الواسع (بعد طفرة الصناعات الاسيوية ) ساهموا فى تقليل الاجزاء الاكثر متانة فى العربية (الدعامات والكمارات) خاصة ان الاجزاء ديه لما بتقل العربية بتبقى اخف وبالتالى سحبها وسرعتها بتبقى اكبر واستهلاكها للبنزين بيبقى اقل فاكثر من عامل ادى للحال ده لكن فى المقابل الاهتمام بقى اكثر فعالية بحماية المقصورة وانت هتلاحظ ان العربيات الحديثة بتتعجن اه بس مقصورة الركاب بتبقى سليمة الى حد كبير وربنا يكفينا جميعا شر الطريق |
| الساعة الآن 06:56 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017