ضرورى ضرورى خاص بالمعاقيين
 

رد: ضرورى ضرورى خاص بالمعاقيين
 

اولا: من حق الوالد التقدم لسيارة معاقين للمرة الثانية طالما انقضى على الاولى خمس سنوات من تاريخ الافراج الجمركى.

ثانيا: ايوه سوف يتم اخد كل الخطوات كما لو كنت تقدم على السيارة لاول مرة ولكن هذه المرة لازم يكون معاك شهادة فك الحظر على السيارة الاولى وكذلك عقد بيع مسجل للسيارة للغير لان لكل معاق حق فى سيارة واحدة فقط.

ثالثا: المرة دى مش هيستخرج رخصة قيادة لان معاه رخصة بالفعل.

رابعا: السيارة ليس لها سن معين يعنى حتى ولو فى سن السبعين طبعا ممكن يستورد سيارة طالما كان قادر على قيادتها. المهم الحالة الصحية للوالد تكون مش اتغيرت علشان الكومسيون يوافق لثانى مرة لان فى حالات بتدخل لثانى مرة وترفض لان الحالة أم تحسنت واصبح الشخص يستطيع قيادة سيارة عادية. او ان الحالة ساءت جدا لدرجة انه لا يستطيع قيادة سيارة مجهزة

خامسا: النوبيرا 2 المعاقين بتكون من حوالى 30 الف وحتى 35 الف جنية حسب الحالة والموديل.....

لو عندك سؤال اسأل وهتجد من يجيب دائما فى منتدى مصر موتورز

رد: ضرورى ضرورى خاص بالمعاقيين
 

طب لازم نجيبها من معرض ولا ايه
وياترى سعر نوبيرا 2 فى السوق المصرى علشان لو الفرق مش كبير يبقى مالهاش لزمه
وياترى الاحسن اننا نستوردها ولا نجيبها من المعرض

رد: ضرورى ضرورى خاص بالمعاقيين
 

هناك طريقتين للتعامل مع سيارات المعاقين.
1- الشراء من أى تاجر سيارات معاقين فى أى منطقة حرة ( بورسعيد - الاسكندرية - السويس - شبين الكوم.....)
2- إستيراد السيارة بنفسك ولكن لازم يكون لك حد برة فى دول الخليج او اوروبا علشان يعاين ويكشف على العربية ويشحن العربية على اى من الموانى. ارخص الموانى فى حساب الجمرك هو المنطقة الحرة فى السويس.

سعر النوبيرا 2 فى بورسعيد يبدأ من 32 الف وحتى 37 الف حسب الحالة والموديل. الموديل الاعلى هو موديل 2000 او 2001 باين..

اللى بيكسب صح من حكاية سيارات المعاقين هو اللى بيستورد بنفسة السيارة من برة. بيوفر على الاقل 15 الف جنية فى عربية ثمنها مثلا 50 الف. فى عربيات اوكتافيا جاءت مصر موديل 2000 ووقفت على صاحبها بمبلغ 40 الف وهى بتتباع بأكثر من 50 الف هناك فى بورسيعد