رد: كل مايخص سيارات المعاقين
 

ايوة ليكى الحق فى سيارة طالما مرت خمس سنوات على السيارة الاولى. الخطوات بإختصار

1- الحصول على إفراج جمركى عن السيارة بحيث تستطيعى التصرف بالبيع فى السيارة الاولى. وبيتم الحصول على هذه الشهادة من مصلحة الجمارك من 4 شارع الطيران بالقاهرة. يجب ان يكون معكى السيارة بالتجهيز وكذلك ورقة من المرور ببايانات السيارة شهادة بيانات....وبتدفعى مبلغ اقل من 100 جنية فى المشوار دة

2- التقدم للمجالس الطبية لتحديد جلسة للكشف العيون والعظام

3- يجب ان يكون معكى الافراج الجمركى اثناء التقدم للمرة الثانية بعد الكشف بيطلع لك قرار كومسيون يسمح لك بالعربية الثانية

4- شراء السيارة وترخيصها عادى كالمرة الاولى

رد: كل مايخص سيارات المعاقين
 

مساء الخير ليا استفسار بسيط وسريع اذا سمحتم
زوجتى لديها اعاقة شلل اطفال فى اليد اليمني وضمور عضلات مما لا يتيح لها قيادة اى سيارة مانويال هل تستحق سيارة معاقيين اوتوماتيك .
ثانيا اذا ربنا وفق وحصلنا على السيارة هل يجوز لي كزوج قيادتها داخل نطاق المحافظة فقط فى حالة اذا كانت فى مشوار ما ساحضرها او الاولاد من المدرسة وهكذا ولا لا يسمح بيها المرور مطلقا
ثالثا الكشف المستعجل بيبقا فى نفس اليوم ولا بيحدد جلسة فى يوم اخر
شكرا ليكم

المنصورة
 

انا اشتريت سيارة لانوس من سنتين منشركة كريستال وبعد ماتفقت مع المحاسب على 24000 ذهبت للاخ عادل فقال لا دىثمنها25500 المهم اشتريت وانا ماشى فى الطريق بعد ماخرجت من بورسعيدالعربية تعطل والموتور لايشتغل المهم جريت العربية لغاية المنصورة ب500ج واتارى الكامة ملحومة عندما سخنت وش السلندر ضرب ورحت لشركة كريستال واعطونى تصدق كام 500ج بعد البهدلة

رد: المنصورة
 

عادى وبتحصل كثير.. لا تتوقع الملائكة على الارض. هما جابوا عربية مضروبة ولا يمكن يرجعوها او يسبوها على جنب. هتروح لصاحب نصبها ولكن من المفروض تكون رخيصة علشان تقدر تعمل العمرة الى هتكلف اقل حاجة الفين جنية

رد: كل مايخص سيارات المعاقين
 

لا يجوز قيادة السيارة لغير مالكها المعاق المكتوب اسمه على الرخصة ولو قابلت ضابط غلس ممكن يعمل لك مخالفةز لو انت فى منطقة هادية تجنب المناطق اللى بيكون فيها لجان...

الكشف المستجل بيكون النظر فى نفس يوم التقديم ولكن العظام بعدها بكام يوم...