بخصوص الكشف علي الجيتا
 

سلام عليكم
ازيكم يا جماعة كل سنة وانتوا طيبيبن والمنتدي بالف خير
معلش انا لي استفسار مستعجل لو سمحتم
انا ان شاء الله هاشتري جيتا توب لاين خليجي2009 فحبيت اكشف عليها عند التوكيل قالولي عشان تخش لازم تدفع7500 جنية لانها خليجي فدلوقتي انا مش عارف اتصرف ازاي؟فهل الكلام دة صح فعلا؟
ولو حد منكن يعرف حد يكون بيكشف علي الجيتا ويكون عندة الكنبيوتر بتعاها ويكون كويس يقولي علية وعنوانة بعد اذنكم؟
معلش برضة انا كنت عايز اسال هل الكشف بالكمبيوتر دة بيجيب كل حاجة للعربية المستعملة ؟يعني الكشف كافي ولا الواحد المفروض يعمل اية تاني لما يشتري مستعمل؟
وهل الكشف عند الوكيل يفرق عن الكشف برة يعني في حاجات كشف الوكيل مثلا يلقطها وبرة لا؟
وهل في مجال للتلاعب سواء برة او الوكيل ولا الكمبيوتر صعب فية التلاعب اصل خايف صاحب المعرض يكون مربط مع الشخص اللي مرشحولي اكشف عندة و معرفشي؟
معلش لو تقلت عليكم واعزروني اصلي معلوماتي في شراء العربيات والمستعمل بالذات صفر
ياريت تردوا علي بسرعة عشان انا رايح خلاص
وشكرا ليكم جدا وربنا يكرمكم ان شاء الله

رد: بخصوص الكشف علي الجيتا
 

للأسف لازم تدفع 7500 عشان تدخل التوكيل
بس العربيه منتشره وقطع غيارها موجوده عند اشرف الشهابي ف شارع دمشق وفي اماكن تانيه بتبيع قطع غيارها (بتكلم عالاصلي )معرفش اسعار عشان العربيه لسه ممشيتش كتير
في مركز محمد سمير ده بيشتغل في الفولكس الجديد وعنده الكومبيوتر بتاع العربيه مكانه في جسر السويس عند حديقة بدر شارع الاربعين

رد: بخصوص الكشف علي الجيتا
 

الكشف مجانى لاعضاء المنتدى وده الرابط

http://www.masrmotors.com/vb/showthread.php?t=38454

رد: بخصوص الكشف علي الجيتا
 

معلش برضة انا كنت عايز اسال هل الكشف بالكمبيوتر دة بيجيب كل حاجة للعربية المستعملة ؟يعني الكشف كافي ولا الواحد المفروض يعمل اية تاني لما يشتري مستعمل؟
وهل الكشف عند الوكيل يفرق عن الكشف برة يعني في حاجات كشف الوكيل مثلا يلقطها وبرة لا؟
وهل في مجال للتلاعب سواء برة او الوكيل ولا الكمبيوتر صعب فية التلاعب اصل خايف صاحب المعرض يكون مربط مع الشخص اللي مرشحولي اكشف عندة و معرفشي؟
والف شكر ليك جدا

رد: بخصوص الكشف علي الجيتا
 

في أكتر من حد ممكن تكشف عنده برة التوكيل وناس محترمة جدا زي الاستاذ عماد وده لينك العرض بتاعه
http://www.masrmotors.com/vb/showthread.php?t=38454 __________________ وزي هاني اللي في حديقة بدر ودول هيقولولك علي كل صغيرة وكبيرة في العربية من حالة الدواخل لحالة المحرك والفتيس