مصر موتورز مجتمع السيارات - اشتريها ولا ايه رايكم

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

- - اشتريها ولا ايه رايكم (https://www.masrmotors.com/vb/showthread.php?t=62691)

اشتريها ولا ايه رايكم

امبارح اتعرض عليه العربية دى هى فيات 128 انا لسة مبتدأ فى السواقة وكتير نصحونى انى ابدأ بيها رغم انى خايف ليلغو الموديلات القديمة دى كلها
المهم هى موديل 1979 وحالتها زى ماواضحه فى الصورة والرخصة فاضل فيها سنتين ومعروضة عليا ب 14 الف
السعر دا غالى ولا انزل معاه شويه وشويه قد ايه
بكرة ان شاء الله هاخد السمكرى والميكانيكى عشان يكشفو عليها
انا مش عايز اجيب حاجه تتعبنى لو كده اصبر واجيب حاجه موديلها احدث شوية ولا الموديل ميفرقش لو الميكانيكى والسمكرى شكروا فيها لان انا معايا 15 الف بس عشان صاحبها معرفة فدا شجعنى على الشرا بس كده كده لازم افحصها وموضوع الكاوتش العريضة دا ممكن يكون ليه تاثير سلبى
انا مش عارف انه الافضل بالنسبة لمبتدأ فى السواقة
موديل قديم شوية ورخيصة (1979 ) ولا موديل جديد وسعرها عالى شويه
وعايز اعرف 15 او 16 الف يجيبو موديل ايه سنة كام
ومحتاج لردكم جدا عشان اشوف اتحرك فيها ولا ايه

ادعولى ان ربنا يسترها معايا ومتسرعش وميضحكش عليا
ياريت تفيدونى زى ماعودتونى دايما وشاكر جدا ليكم ولكل اعضاء المنتدى
وكل سنه وانتم طيبين رمضان على الابواب

رد: اشتريها ولا ايه رايكم

ودى لينكات مباشرة لصور العربية

http://i54.tinypic.com/ulwr6.jpg

http://i54.tinypic.com/2wrjdxs.jpg

http://i53.tinypic.com/x6le9t.jpg

رد: اشتريها ولا ايه رايكم

العربية حالتها وحشة و ملعوب فيها
فوارق الابواب مش طبيعية و الصدر الامامي متغير بصدر معدل - العربية 100% راشة حوض
انا من رأيي تشوف حاجة ياباني تمانينات في رينج ال 16
او ماروتي تسعينات
او حتى لادا

رد: اشتريها ولا ايه رايكم

العربية يا استاذ محمد غالية جدا وكمان فيها فروق كبيرة فعلا وكمان العتب الصاج ديه هتلاقي تحتها بارومه للصبح من تخريم المسامير ده

العربية انا شايفها من بره بس معرفش لسه حالة المكنه عامله ازاي والعلب عامل ايه والركب

العربية ديه اخرها 11000 لو حالة المكنة والعلب والركب تمام وانتا وشطارتك لو عرفت تنزل عن 11000 يبقي تمام

وبالنسبة للموديلات القديمة انها تتلغي ده كلام فاضي متصدقهوش انا ليه معرفة في الادارة العامة للمرور وقالي عمرهم ما يقدرو ينفذوها ولو نفذوها هتبقي اختياري مش اجباري زي التاكسي

وعلي فكرة ممكن تزود 2000 جنيه فوق ال 14000 وتجيبلك حته ريجاتا

لكن لو جايبها تتعلم عليها يبقي خليك في ال 128 بس زي ما قولتلك اكشف علي المكنة وشوف خرطوم الفايظ بيدخن ولا لا وخلي صاحبها يحمل علي الدوسه وشوف في دخنه بتطلع من الشكمان ولا لا

وذي ما قولتلك انزل حتي سوق العاشر وانتا هتشوف العجب في الاسعار واقل من اللي قولتهولك وعمره ما هتجيبله اكتر من 11000

رد: اشتريها ولا ايه رايكم

ملحوظه

البابين الاماميين لهذه السياره متغيرين.
علشان ابواب موديل 79 فيهم هوايه من الامام
وفعلا فروقات الابواب كبيره